17.05.2026 | 13:54
«Միասնության թևեր»-ի քարոզարշավը. ՈՒՂԻՂ
Սյունիքում հովիվները նոր սահմանները հստակ չգիտեն, գերեվարման նոր դեպքեր կարող են լինել. Գրիգորյան. ՏԵՍԱՆՅՈՒԹ
Տեսանյութեր
15.02.2021 | 12:50
Այսօրվա գլխավոր խնդիրը՝ ոչ միայն Սյունիքի, այլ նաև Հայաստանի Հանրապետության քաղաքացիների անվտանգության խնդիրը լուծված չէ: Այս մասին ԱԺ-ում լրագրողների հետ ճեպազրույցում ասաց «Լուսավոր Հայաստան» խմբակցության պատգամավոր Սրբուհի Գրիգորյանը՝ հավելելով, որ երբ այդ հարցերի մասին բարձրաձայնում են, կառավարությունը խուսանավում է:
«Սոցիալական խնդիրներ ենք ուզում լուծել, բայց ինչքան ուզում ես բնակելի տուն կառուցի, փոխհատուցում տրամադրի, օգուտ չկա, եթե անվտանգության խնդիրը լուծված չէ:
Հիմա ադրբեջանցիներն անցել են նաև հոգեբանական պատերազմի: Սյունիքում դեպի Կապան ճանապարհին գրված է. «Բարի գալուստ Ադրբեջան»: Սա հոգեբանական բռնության փորձ է:
Սահմանները շատ են մոտեցել, ադրբեջանցիների դիրքերը շատ են մոտեցել մեր համայնքներին, նույնիսկ պարսատիկով կարող են կրակել:
Հիմա բացվում է գյուղատնտեսական աշխատանքների շրջանը, հովիվները սահմանները հստակ չգիտեն, գերեվարման նոր դեպքեր կարող ենք ունենալ»,- նշեց պատգամավորը:
Մանրամասները՝ տեսանյութում:
