Քաղաքականություն
15.02.2021 | 12:04
Կատալոնիայում կիրակի օրը կայացած տեղի խորհրդարանի ընտրություններում, ինչպես և 2017 թվականին, հաղթել է ազգայնական կուսակցությունների բլոկը, որը կողմ է հանդես գալիս Իսպանիայի այս հյուսիս-արևելյան մարզի ինքնորոշմանը։
Այժմ, ինչպես ակնկալվում է, ազգայնականները, որոնք միասին վերցրած խորհրդարանում կազմել են մեծամասնություն (ընդհանուր առմամբ ընտրվել է 135 պատգամավոր), կձևավորեն տարածաշրջանի հաջորդող 4 տարիների կառավարությունը։ Այս մասին հայտնում է DW-ի ռուսական ծառայությունը։
Կատալոնիայի կենտրոնական ընտրական հանձնաժողովի ներկայացուցիչ Անդրեու Ֆերրեն DW-ին հայտնել է, որ իշխող կոալիցիա կազմելու հնարավորություն են ստացել երկու կուսակցություն՝ «Կատալոնիայի ձախ հանրապետականներ» և «Միասին հանուն Կատալոնիայի» կուսակցությունները։ Եվ սա այն դեպքում, երբ այս կուսակցությունների ղեկավարները՝ Օրիոլ Ժունկերասն ու Կառլես Պուչդեմոնը, չէին առաջադրվել։
Առաջինը բանտարկված է 2017 թվականին Կատալոնիայի ինքնիշխանությունը հռչակելու փորձի համար, իսկ երկրորդը՝ թաքնված է արտերկրում, քանի որ օրենքով հետապնդվում է նույն գործունեության համար։
Տաթև Ֆռանգյան
