16.12.2025 | 17:17
161 կգ «Հերոին»-ը մաքսանենգությամբ ՀՀ տեղափոխած անձը կալանավորվել է
Իսրայելը չպլանավորված զորավարժություններ է սկսել երկրի հյուսիսում
Քաղաքականություն
15.02.2021 | 11:27
Իսրայելի պաշտպանության բանակն այսօր հայտնել է Ռազմաօդային ուժերի չպլանավորված «Վերեդ խագալիլ» զորավարժությունների մեկնարկի մասին, որն ուղղված է երկրի հյուսիսային սահմանների մարտական պատրաստվածության բարձրացմանը, գրում է ՏԱՍՍ-ը։
«Իսրայելի ռազմաօդային ուժերի «Վերեդ խագալիլ» զորավարժությունները մեկնարկել են երեկ։ Դրանք անցկացվում են Իսրայելի ռազմաօդային ուժերի հրամանատար Ամիկամ Նորկինի հրամանով և ուղղված են հյուսիսային ուղղությամբ ռազմաօդային ուժերի մարտական պատրաստության բարձրացմանը։ Ակնկալվում է, որ զորավարժությունները կավարտվեն չորեքշաբթի օրը», – ասված է իսրայելական բանակի տարածած հայտարարության մեջ։
Զինվորականները հավելել են, որ զորավարժությունների ընթացքում կիրականացվեն իսրայելական բանակի ինքնաթիռների ու ուղղաթիռների ինտենսիվ տեղաշարժ ողջ երկրի տարածքում, իսկ հյուսիսում կարող են լսվել պայթյունի ձայներ։
Տաթև Ֆռանգյան
