01.08.2026 | 17:57
SpaceX-ի հրթիռը կբախվի Լուսնին
Հայաստանի դեսպանն ԱՄՆ կոնգրեսական Վալադաոյի հետ զրույցում կարևորել է ԵԱՀԿ ՄԽ համանախագահության շրջանակներում ԼՂ խաղաղ կարգավորման առանցքային հարցերի հասցեագրումը
Քաղաքականություն
13.02.2021 | 14:46
Փետրվարի 12-ին ԱՄՆ-ում ՀՀ դեսպան Վարուժան Ներսեսյանը հեռավար հանդիպում է ունեցել կոնգրեսական Դեյվիդ Վալադաոյի հետ։ Այս մասին տեղեկանում ենք ԱՄՆ ՀՀ դեսպանության ֆեյսբուքյան էջից:
«Դեսպան Ներսեսյանը շնորհավորեց կոնգրեսականին իր առաքելությունը, որպես Ներկայացուցիչների պալատի անդամ վերսկսելու, ինչպես նաև Հայկական հարցերի կոնգրեսական հանձնախմբի համանախագահ ընտրվելու կապակցությամբ:
Դեսպան Ներսեսյանը մանրամասն ներկայացրեց Լեռնային Ղարաբաղի ժողովրդի դեմ թուրք-ադրբեջանական վերջին ագրեսիան, նկարագրեց պատերազմին հաջորդած մարտահրավերներն ու հումանիտար ճգնաժամը:
Այդ համատեքստում դեսպանն ընդգծեց հայ ռազմագերիների և պատանդի կարգավիճակում գտնվող քաղաքացիական անձանց հայրենադարձման հարցը։
Զրուցակիցները կարևորեցին ԼՂ խաղաղ կարգավորման առանցքային հարցերի հասցեագրումը ԵԱՀԿ Մինսկի խմբի համանախագահության շրջանակներում»։
