01.03.2026 | 18:05
ՀՀ ԱԳՆ-ն չեղարկված թռիչքների պատճառով ԱՄԷ-ում գտնվող ՀՀ քաղաքացիներին է դիմել
Գերմանիան, Մեծ Բրիտանիան ու Ֆրանսիան անհանգստացած են Իրանի կողմից մետաղական ուրան արտադրելու կապակցությամբ
Քաղաքականություն
12.02.2021 | 19:44
Եվրոպական եռյակը՝ Գերմանիան, Մեծ Բրիտանիան ու Ֆրանսիան անհանգստացած են Իրանի կողմից մետաղական ուրան արտադրելու կապակցությամբ։ Այս մասին ասվում է երեք երկրների ԱԳՆ հայտարարության մեջ, որը տարածել է Գերմանիայի արտաքին գերատեսչության մամլո ծառայությունը։
«Մենք ՝ Գերմանիայի, Ֆրանսիայի և Միացյալ Թագավորության կառավարությունները, մեծ մտահոգությամբ ենք ընդունում ՄԱԳԱՏԷ-ի կողմից վերջերս հաստատված այն պնդումը, որ Իրանը մետաղական ուրան է արտադրում ՝ խախտելով համատեղ գործողությունների համապարփակ ծրագիրը», – ասվում է փաստաթղթում:
Եվրաեռյակը նշել է, որ միջուկային ծրագրի վերաբերյալ համաձայնագրի շրջանակներում Իրանը 15 տարվա պարտավորություն է ստանձնել «չարտադրել, ձեռք չբերել, չկատարել հետազոտություն և չմշակել մետաղական ուրան»:
«Ինչպես և հունվարի 16-ի մեր հայտարարության մեջ մենք կրկին ընդգծում ենք, որ Իրանը չունի այդ գործողությունների համոզիչ արդարացում, որոնցով կտրուկ քայլեր են ձեռնարկել միջուկային զենքի մշակման ճանապարհին»,- կարծում են 3 երկրների ԱԳՆ-ներում։
Տաթև Ֆռանգյան
