17.09.2026 | 14:15
Արման Ծառուկյան. «Ռուֆիին հաղթելու դեպքում կանցկացնեմ չեմպիոնական մենամարտ»
Ադրբեջանցիները 60 մեքենայով մեկնել են Շուշի, ԱԺ ուժերը քննարկում են Սյունիքի հարցը. Լուրեր
Քաղաքականություն
12.02.2021 | 15:58
Ադրբեջանական կողմի զինվորականների խնդրանքով՝ ռուս խաղաղապահ զորախմբի զինծառայողներն ապահովել են Լեռնային Ղարաբաղով ադրբեջանական երկու շարասյուն ավտոմեքենաների անվտանգ տեղաշարժը։ Ավելի քան 60 բեռնատար մեքենա ռուս խաղաղապահների ուղեկցությամբ շինանյութ է տեղափոխել Շուշի։
—
Իշխանական «Իմ քայլը» խմբակցության պատգամավոր Սիսակ Գաբրիելյանը այսօրվա ճեպազրույցում հայտարարել է, որ ինչ-որ պահից Սյունիքում ազատ ելումուտ կլինի։ Ներկայում մտցված սահմանափակումները, ըստ Գաբրիելյանի, արվում են անվտանգության նկատառումներով։
—
ԼՀԿ խմբակցության ճեպազրույցի ժամանակ էլ խմբակցության ղեկավար Էդմոն Մարուքյանը խոսել է Սյունիքին վերաբերող փաստաթղթի մասին, որ տարածվում է համացանցում։ Ըստ Մարուքյանի՝ քանի որ իշխանությունները դա չեն հերքում, իրենք հիմնավոր կասկած ունեն, որ այդ փաստաթուղթը իրական է։
—
Ինչ վերաբերում է հենց իշխանությանը, ապա ըստ Մարուքյանի՝ այս իշխանությունը նույնպես արդեն նախկին է, բայց չի զգում։ Նրա ներկայացուցիչները երես չունեն հանգիստ շրջել փողոցներում։ Մարուքյանը Սասունցի Դավիթ էպոսի դրվագն է հիշեցնում, ասում է՝ իշխանությունը որ իրեն «թափ տա»՝ 2 կես կլինի։
—
Իշխանության համար 44 օր «Հաղթելու ենք» գոռալը, հետո խայտառակ փաստաթուղթ ստորագրելը նորմալ գործելաոճ է։ Այս բնորոշումն էլ ԲՀԿ խմբակցության անդամ Իվետա Տոնոյանինն է։ Նա այսօրվա ճեպազրույցի ժամանակ խոսել է նաև Սյունիքի վերաբերյալ որոշումից ու նշել, որ նկարահանումների սահմանափակումները միտված են ճշմարտությունը թաքցնելուն։
