20.05.2026 | 13:33
«Բոլորին դեմ եմ» կուսակցության նախընտրական քարոզարշավը. ՈՒՂԻՂ
Գերմանիան ապաստան կտա 50 բելառուս ընդդիմադրի․ Sueddeutsche Zeitung
Քաղաքականություն
12.02.2021 | 13:31
Գերմանիան ապաստան կտա Բելառուսից 50 ընդդիմադիր փախստականի, գրում է Sueddeutsche Zeitung-ը։
Հրատարակչության տեղեկությունների համաձայն՝ խոսքը գնում է ընդդիմադիրների ու նրանց ընտանիքների մասին։ Թերթը հիմնվում է Գերմանիայի ՆԳՆ-ին ուղղված պատգամավորական հայցի պատասխանի վրա։ Սակայն Sueddeutsche Zeitung-ը չի հրապարակել ընդդիմադիրների անունները։ Ավելի վաղ Բելառուսը լքել էին նախագահի նախկին թեկնածուներ Սվետլանա Տիխանովսկայան ու Վալերի Ցեպկալոն։
Օգոստոս ամսին Բելառուսում տեղի ունեցած նախագահական ընտրություններում Սվետլանա Տիխանովսկայան զբաղեցրել էր երկրորդ հորիզոնականը։ Նրա կողմնակիցները չեն ընդունում ընտրությունների արդյունքներն ու մինչ օրս ցույցերով փողոց են դուրս գալիս։ Անձամբ Տիխանովսկայան լքել է երկիրը ընտրությունների արդյունքները հրապարակելուց գրեթե անմիջապես հետո։
Վալերի Ցեպկալոյի դեմ քրեական գործ է հարուցվել, նրա նկատմամբ հետախուզում է հայտարարվել նաև Ռուսաստանի տարածքում։ Այս շաբաթ Բելառուսի իշխանությունները հայտարարել են, որ կհասնեն Լատվիայից նրա արտահանձնմանը։
Տաթև Ֆռանգյան
