18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Թուրքիան և Կատարը ցանկանում են ավելի ամրապնդել երկկողմ հարաբերությունները
Քաղաքականություն
11.02.2021 | 22:44
Թուրքիայի արտգործնախարար Մևլութ Չավուշօղլուն Կատար կատարած պաշտոնական այցի շրջանակում հանդիպումներ է ունեցել այդ երկրի էմիր Թամիմ բեն Համիդի և ԱԳ ղեկավար Շեյխ Մոհամեդ բեն Աբդուրահման Ալ Սանի հետ: Այս մասին Twitter-ում գրառում է արել Չավուշօղլուն:
Կողմերը քննարկել են երկկողմ հարաբերություններին վերաբերվող և տարածաշրջանային մի շարք հարցեր:
Հանդիպման ավարտից հետո տեղի ունեցած մամուլի ասուլիսին Կատարի ԱԳ ղեկավարը նշել է, որ Թուրքիայի հետ իրենց հարաբերությունները շատ կարևոր և հատուկ են:
Ի պատասխան Ալ Սանիի, Չավուշօղլուն հայտնել է, որ Կատարի հետ Թուրքիայի հարաբերությունները օրեցօր ավելի են ուժեղանում և զարգանում:
Չավուշօղլուն, անդրադառնալով նաև Կատարի և Ծոցի երկրների միջև կարգավորման գործընթացին, նշել է, որ Ծոցի տարածաշրջանի կայունությունն, անվտանգությունն ու բարօրությունը բխում է Թուրքիայի շահերից և հավելել, որ Թուրքիան ցանկանում է բարելավել իր հարաբերությունները տարածաշրջանի բոլոր երկրների ու կազմակերպությունների հետ, ինչպես օրինակ՝ Ծոցի համագործակցության խորդուրդն է:
