18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
«Միշտ կլինենք մեր ադրբեջանցի եղբայրների կողքին»․ Թուրքիայի ՊՆ ղեկավարը զգուշացրել է միջազգային հանրությանը
Քաղաքականություն
11.02.2021 | 19:34
Կարսում մեկնարկել է «Ձմեռ 2021» թուրք-ադրբեջանական զորավարժությունների եզրափակիչ փուլը, որին այսօր հետևել են երկու երկրների պաշտպանության նախարարներ Հուլուսի Աքարն ու Զաքիր Հասանովը, հաղորդում է «Անադոլու» գործակալությունը։
Նախարարները զորավարժությունների վայր են այցելել Թուրքիայի գլխավոր շտաբի պետ Յաշար Գյուլերի, ցամաքային զորքերի հրամանատար Ումիթ Դյունդերի, ռազմածովային ուժերի հրամանատար Ադնան Օզբալի, ռազմաօդային ուժերի հրամանատար գեներալ Հասան Քյուչուքաքյուզի ուղեկցությամբ։ Վարժանքների ղեկավարման շտաբում Աքարին ու Հասանովին տեղեկացրել են զորավարժությունների ընթացքի մասին։
Այցի ընթացքում ունեցած ելույթում Հուլուսի Աքարը դարձյալ խոսել է «եղբայրական Ադրբեջանի կողքին լինելու» պատրաստակամությունից և Թուրքիայի ու Ադրբեջանի զինված ուժերի մարտունակությունից։
«Թուրքիայի ու Ադրբեջանի զինված ուժերը ցույց տվեցին, որ ունակ են կատարելու ցանկացած առաջադրանք՝ ցամաքում, ջրում, օդում։ Միջազգային հանրությունը պետք է իմանա, որ մենք հետագայում էլ միշտ կլինենք մեր ադրբեջանցի եղբայրների կողքին իրենց արդար պայքարում»,- ասել է թուրք պաշտոնյան։
Խոսելով «թուրք ու ադրբեջանցի ժողովուրդների եղբայրությունից»՝ Աքարն ասել է, որ դա դրսևորվել է ոչ թե խոսքով, այլ գործով՝ 44-օրյա պատերազմի ընթացքում։
«Մենք արել ենք այն, ինչ պետք էր։ Համագործակցությունն առաջիկայում էլ կշարունակվի»,- ասել է Թուրքիայի պաշտպանության նախարարը։
Էմմա Չոբանյան
