18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Կորոնավիրուսը նահանջում է․ Շիրակում վարակման դեպքերը զգալիորեն նվազել են
11.02.2021 | 16:07
Հայաստանում նկատվում է կորոնավիրուսով վարակվածների թվի զգալի նվազում, բացառություն չէ նաև Շիրակի մարզը։ Հիվանդների թվի նվազման արդյունքում մարզում նույնիսկ բուժման ստացիոնար ծառայությունն է դադարեցվել։
«Մեր մարզում թվերը բավականաչափ ցածր են։ Հանրապետությունում, զուգահեռաբար՝ նաև մարզում թվերի բավականաչափ նվազման հետ կապված հունվարի կեսերից դադարեցրեցին ստացիոնար ծառայությունը մարզի բուժհաստատությունները՝ Գյումրու ինֆեկցիոն հիվանդանոցը և «Գյումրի» բժշկական կենտրոնի քովիդ բաժանմունքը, բայց տրիաժ բաժանմունքը շարունակում է գործունեությունը»,- Factor.am-ի հետ զրույցում ասաց Շիրակի մարզպետարանի առողջապահության ու սոցիալական ապահովության վարչության պետի ժամանակավոր պաշտոնակատար Լեյլի Ասլանյանը։
Նրա խոսքով՝ քովիդի դրական թեստով հիվանդներին էլ, որոնք ստացիոնար բուժման կարիք ունեն, ուղեգրում են Երևան։
Ինչ վերաբերում է արտագնա աշխատանքի մեկնողների թեստավորմանը, այն արվում է մասնավոր կենտրոններում, որոնք լիցենզավորված են և վճարովի թեստավորում են կատարում։
Մարզպետարանի պատասխանատուն նաև նշեց, որ ներկայում առաջնային օղակում բուժվող 35 հիվանդ ունեն, տրիաժ կենտրոնում՝ ընդամենը 1-ը։
Լեյլի Ասլանյանը մեզ նաև փոխանցեց, որ, ընդհանուր առմամբ, 2020 թվականին Շիրակի մարզում գրանցվել է կորոնավիրուսով վարակման 6․171, մահվան՝ 125 դեպք։ Այս տարվա հունվարին էլ գրանցվել է վարակման 265 դեպք, 15 մահ։
Էմմա Չոբանյան
