20.05.2026 | 14:15
«Սաութհեմփթոնը» լրտեսության համար զրկվել է Պրեմիեր լիգայի ուղեգրի համար պայքարելու հնարավորությունից
Չինաստանում պատրաստվում են դիմավորել Նոր տարին
Քաղաքականություն
11.02.2021 | 17:26
Չինաստանում, ըստ լուսնային օրացույցի, պատրաստվում են դիմավորել Նոր տարին։ Կորոնավիրուսային համաճարակի պատճառով երկրի իշխանությունները կոչ են արել բնակիչներին ձեռնպահ մնալ ճամփորդություններից ու մեծ միջոցառումներին մասնակցելուց, սակայն շուկաներում ու խանութներում մարդկանց մեծ բազմություն կա. գրում է 1tv.ru-ն։
Տոնական սեղանի համար առևտուր են անում․ չէ՞ որ, համաձայն ավանդույթի, սեղանները պետք է առատ լինեն։ Բոլորը գնում են կարմիր լուսարձակներ ու ճայթռուկներ․ չինացիները հավատում են, որ լույսն ու աղմուկը կվանեն չար հոգիներին։
Ճաշկերույթից հետո շատերը հյուր են գնում ընկերների տուն՝ նվերներով ու ջերմ մաղթանքներով։ Ի դեպ, չինացիները մեկմեկու գլխավորապես առձեռն գումար են նվիրում կամ դրամական փոխանցումներն են անում ու մաղթում՝ հետևել երազանքին։
Տաթև Ֆռանգյան
