11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Սիրիայում ռուս օդաչուի սպանության մեղքն իր վրա վերցրած թուրքն ազատ է արձակվել
Քաղաքականություն
11.02.2021 | 16:25
Թուրքիայի քաղաքացի Ալպարսլան Չելիքը, որը 2015 թվականին իրեն մեղավոր էր ճանաչել ռուս օդաչու Օլեգ Պեշկովի սպանության համար, 5-ամյա բանտարկությունից հետո ազատության մեջ է։ Այս մասին ՌԻԱ Նովոստիին հայտնել է նրա իրավապաշտպան Մուրադ Ուստյունդագը։
«Հինգ տարվա պատիժը կրելուց հետո Չելիքն ազատ է արձակվել», – ասել է Ուստյունդագը:
Հիշեցնենք՝ 2015 թվականի նոյեմբերի 24-ին թուրքական F-16 կործանիչը Սիրիայում խոցել էր ռուսական Су-24 ռմբակոծիչը։ Կատապուլտված օդաչու Պեշկովի վրա ցամաքից կրակել էին, ինչի արդյունքում վերջինս սպանվել էր։
Դեպքից անմիջապես հետո Չելիքը հայտարարել է, որ մասնակից է եղել օդաչուի սպանությանը, բայց ձերբակալվելուց հետո փոխել է ցուցմունքն ու հայտարարել, որ ինքը չի սպանել ռուս օդաչուին, այլ հրամայել է իրեն ենթակա գրոհայիններին փրկության ընթացքում չկրակել Պեշկովի վրա:
Արդյունքում 2017 թվականի մայիսին Թուրքիայի Իզմիրի դատարանը Չելիքին դատապարտել է 5 տարվա ազատազրկման ՝ ապօրինի զենք պահելու համար: Դատարանը չի քննել Պեշկովի մահվան մեջ Չելիքի մասնակցության գործը:
Տաթև Ֆռանգյան
