17.09.2026 | 17:10
Նարեկ Կարապետյանի հետ ինձ ծանոթացրել է իմ լավ ընկեր Էդմոն Մարուքյանը․ Հովակիմյան․ ՏԵՍԱՆՅՈՒԹ
Մյանմարում ոստիկանությունը մարտական փամփուշտներ է գործածել ցուցարարների դեմ․ Amnesty International
Քաղաքականություն
11.02.2021 | 14:27
Մյանմարում ոստիկանությունը մարտական փամփուշտներ է գործածել ցուցարարների դեմ, ինչի հետևանքով ծանր վիրավորվել է մեկ մարդ։ Նման պնդմամբ է հանդես եկել Amnesty International իրավապաշտպան կազմակերպությունը։
Համաձայն առկա տեսանյութերի ու լուսանկարների՝ փետրվարի 9-ին ոստիկանությունը BA-94 կամ BA-93 ատրճանակներ է գործածել Նեյպիդոյում բողոքի ցույցերը ցրելու ժամանակ, ինչի հետևանքով 19-ամյա ցուցարարը գլխից ծանր վիրավորում է ստացել։ Տեղի լրատվամիջոցների տեղեկությունների համաձայն՝ ողջ մնալու նրա շանսը փոքր է։
Իրավապաշտպանները պնդում են, որ կիրառվել են մարտական փամփուշտներ։
«Երիտասարդ աղջկա ծանր վիրավորումը Մյանմարի ոստիկանության կողմից խաղաղ ցուցարարների դեմ մարտական փամփուշտներ կիրառելու հետևանք է։ Մենք ստուգել ենք սոցկայքերից նյութեր, դրանցում ոստիկանները ցուցարարների վրա են ուղղել զենքեր՝ հաշվի չառնելով նրանց կյանքին ու առողջությանը սպառնացող վտանգը»,- ասել է կազմակերպության ճգնաժամային կենտրոնի ղեկավար Սեմ Դաբերլին։
Amnesty International-ը կոչ է անում անհապաղ դադարեցնել նման գործողությունները՝ դրանք բնութագրելով անհիմն։ Իրավապաշտպանները նաև պահանջում են հետաքննել մարտական զենքի կիրառման դեպքերը։
Հիշեցնենք, որ Մյանմարում արդեն 4-րդ օրն է բողոքի ցույցեր են ընթանում երկրում զինվորականների կողմից իշխանության բռնազավթումից հետո։ Տասնյակ հազարավոր մարդիկ դուրս են եկել բողոքի ցույցերի, չնայած երկրում արգելվում է 4 մարդուց ավելի մարդկանց կուտակումները։ Ըստ որոշ տեղեկությունների՝ 200 մարդ ձերբակալվել է։
Տաթև Ֆռանգյան
