14.05.2026 | 12:15
Որևէ խուզարկություն կամ ձերբակալություն չի փոխելու մեր քաղաքական օրակարգը․ «Հայաստան» դաշինք
Պատերազմի հետևանքով տեղահանված քաղաքացիներն ազատվում են մի շարք պետական տուրքերի վճարումներից. ՏԵՍԱՆՅՈՒԹ
Հասարակություն
11.02.2021 | 11:58
Արցախի կառավարության որոշմամբ՝ պատերազմական գործողությունների հետևանքով իրենց մշտական բնակության վայրերից տեղահանված քաղաքացիները, ավտոմեքենայի և մոտոցիկլետի տեխանձնագիր, ինչպես նաև վարորդական իրավունք կորցնելու դեպքում, մինչև 2021 թվականի դեկտեմբերի 31-ն ազատվում են դրանք վերստանալու համար նախատեսված պետական տուրքերի վճարումներից: Այս մասին տեղեկացրել է Արցախի ճանապարհային ոստիկանության պետի տեղակալ Արմեն Օհանյանը:
«Իրենց բնակավայրերից տեղահանված քաղաքացիները պետական տուրքերի վճարումից ազատվում են նաև պատերազմական գործողությունների հետևանքով ավտոմեքենայի վնասված պետհամարանիշի փոխարեն նորը ստանալու դեպքում, եթե ավտոմեքենայի սեփականատերը ճանապարհային ոստիկանությանն է ներկայացնում վնասված պետհամարանիշը: Այս որոշումը տարածվում է 2020 թվականի նոյեմբերի 10-ից ծագած հարաբերությունների վրա և վերոնշյալ նպատակներով քաղաքացիների կողմից կատարված վճարումները ենթակա են վերադարձման»,- նշել է պաշտոնյան:
