14.09.2026 | 19:44
Երևանում մեկնարկել է կայուն տրանսպորտային միջանցքներին նվիրված աշխատաժողով
Ադրբեջանի պաշտպանության նախարարը մեկնում է Կարս՝ հետևելու զորավարժությունների ավարտական փուլին
Քաղաքականություն
11.02.2021 | 12:34
Ադրբեջանի պաշտպանության նախարար Զաքիր Հասանովը հիշգշաբթի օրն այցելել է Թուրքիա, որտեղ պետք է հետևի Կարսում ընթացող համատեղ զորավարժությունների ավարտական փուլին։ Այս մասին հայտնել են Ադրբեջանի ՊՆ-ից։
«Թուրքիայի Հանրապետության ազգային պաշտպանության նախարար Հուլուսի Աքարի հրավերով Ադրբեջանի պաշտպանության նախարար, գեներալ-գնդապետ Զաքիր Հասանովը փետրվարի 11-ին մեկնել է այդ երկիր։ Հասանովը կհետևի «Ձմեռային զորվարժություններ-2021» -ի ավարտական փուլին, որը տեղի կունենա Թուրքիայի Կարս քաղաքում»,- ասվում է հայտարարության մեջ։
Հիշեցնենք, որ զորավարժություններին մասնակցում են Նախիջևանում տեղակայված Ադրբեջանի Զինված ուժերի առանձին համակցված բանակի զինծառայողները: Ինչպես ավելի վաղ հայտնել էին Ադրբեջանի Պաշտպանության նախարարությունից, զորավարժությունների նպատակն է ապահովել երկու պետությունների ստորաբաժանումների համակարգումը:
Տաթև Ֆռանգյան
