11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
ԱՄՆ սենատորների կեսից ավելին նամակով դիմել է Բայդենին՝ կոչ անելով մեծացնել Էրդողանի նկատմամբ ճնշումը
Քաղաքականություն
10.02.2021 | 18:17
ԱՄՆ ավելի քան 50 սենատորներ նամակ են ստորագրել, որով կոչ են անում նախագահ Ջո Բայդենին՝ ճնշում գործադրել Թուրքիայի կառավարության վրա՝ բարելավելու մարդու իրավունքների իրավիճակը, միաժամանակ ընդգծելով նաև ավտորիտարիզմի աճը, գրում է Ahval գործակալությունը։
Երկկուսակցական այս նախաձեռնությունը ղեկավարում են Դեմոկրատական կուսակցությունից սենատոր Ռոն Վիդենը և Հանրապետական կուսակցությունից Մարկո Ռուբիոն։ Նրանք նշում են, որ Թուրքիայի նախագահ Էրդողանի «արտաքին քաղաքականությունը նույնպես դարձել է ավելի ռազմատենչ»։
Նամակում Բայդենին կոչ է արվում՝ հորդորել նախագահ Էրդողանին ու նրա վարչակազմին՝ անմիջապես դադարեցնել այլախոհների դեմ ճնշումները երկրի ներսում և դրսում, ազատել քաղաքական բանտարկյալներին, փոխել ավտորիտար ընթացքը։ Բացի այդ, նամակում նշվում է, որ Էրդողանը Սիրիայում հարձակվել է ամերիկամետ քրդերի վրա, չնայած բոլոր նախազգուշացումներին՝ գնել է ռուսական S-400 հակաօդային պաշտպանության համակարգեր, ինչպես նաև խրախուսել Ադրբեջանին՝ բռնություն գործադրել հայերի դեմ Ղարաբաղյան պատերազմում։
Էմմա Չոբանյան
