30.06.2026 | 17:35
ՍԴ-ն փակ նիստից հետո աշխատանքը շարունակում է բաց ռեժիմով․ ՈՒՂԻՂ
Թուրքիան 31 անգամ խախտել է Հունաստանի օդային տարածքը հույն-ֆրանսիական զորավարժությունների ընթացքում
Քաղաքականություն
10.02.2021 | 18:27
Հունական մամուլը մեղադրում է Անկարային Skyros 2021 հույն-ֆրանսիական զորավարժությունների ընթացքում Հունաստանի օդային տարածքը 31 անգամ խախտելու համար։ Զորավարժությունները սկսվել էին երեքշաբթի օրն ու ավարտվելու են ուրբաթ օրը, գրում է Al-Masdar News-ը։
Տեղեկացվում է, որ The Greek City Times և Protothema թերթերը գրել էին, որ 4 թուրքական CN-235 հետախուզական ինքնաթիռները 31 անգամ խախտել են Հունաստանի օդային տարածքը, մինչդեռ Էգեյան ծովում զորավարժություններին մասնակցում են ֆրանսիական 4 Rafale կործանիչներ։
The Greek City Times-ի տեղեկություններով՝ Հունաստանի Զինված ուժերից հաստատել են այս տեղեկություններն ու հայտնել, որ օդային տարածքը խախտվել է Էգեյան ծովի հյուսիսարևելյան, կենտրոնական ու հարավարևելյան հատվածներում։ Նշվում է, որ խախտման բոլոր դեպքերը ուսումնասիրվել ու արձանագրվել են համաձայն միջազգային իրավունքի պահանջների։
Հավելենք, որ ֆրանսիական 4 Rafale կործանիչները գտնվում են Հունաստանի Թանագրա ռազմաբազայում, քանի որ դրանք մասնակցում են Skyros 2021 անվանումը կրող զորավարժություններին։
Al-Masdar News-ը հայտնում է, որ Թուրքիան դեռևս չի արձագանքել այս մեղադրանքներին։
Տաթև Ֆռանգյան
