09.06.2026 | 22:52
Միկա Բադալյանին կալանավորելու միջնորդությունը բավարարվել է
Եթե 3-րդ ուժը դուրս մղի 16+-ին և զբաղեցնի նրա տեղը՝ կունենա հաջողություն․ Բորիս Նավասարդյան. ՏԵՍԱՆՅՈՒԹ
Քաղաքականություն
10.02.2021 | 13:20
Իշխանությունները գիտակցել են, որ իրենց գործունեության ընթացքում ճգնաժամային լուծումներ տալու և փոփոխություններ անելու ունակ չեն: Այս մասին «Արտահերթ չընտրություններ. քաղաքական պայքարը տեղափոխվում է փողո՞ց» քննարկման ժամանակ ասաց Երևանի մամուլի ակումբի նախագահ Բորիս Նավասարդյանը:
«Իշխանությունը հույսը դնում է նրա վրա, որ այլ խաղացողները կկայունացնեն իրավիճակը․ խոսքս և՛ Ռուսաստանի մասին է, և՛ այն մասին, որ, չգիտես ինչու, հույս ունեն, որ Ադրբեջանը և Թուրքիան բարի կամք կունենան՝ տարածաշրջանում իրավիճակը կայունացնելու համար, և այդ իրավիճակում Հայաստանը նույն իշխանության և նույն քաղաքականության պայմաններում կկարողանա գոյատևել»,- նշեց Նավասարդյանը:
Նրա դիտարկմամբ՝ այս իշխանությունն ունակ չէ ճգնաժամային իրավիճակի կառավարման և գիտակցում է դա: Անդրադառնալով ներքաղաքական պայքարին՝ Նավասարդյանը նշեց, որ հիմնական խաղացողների կողմից արտահերթ ընտրությունների գնալու պատրաստակամություն չի տեսնում: Նրա կարծիքով՝ եթե 3-րդ ուժ ի հայտ գա, դուրս մղի «16+-ին» ու զբաղեցնի նրա տեղը, կունենա հաջողություն:
Մանրամասները՝ տեսանյութում:
