17.09.2026 | 15:02
Շոյգուն հայտարարել է, թե ՀՀ-ում ՌԴ ներդրումներով ընկերությունների նկատմամբ, իբր, «ռեյդերային զավթում» է իրականացվում
Մինչև տարվա վերջ կլինեն արտահերթ ընտրություններ․ Միսկարյան. ՏԵՍԱՆՅՈՒԹ
Քաղաքականություն
10.02.2021 | 12:36
Մեր քաղաքական ուժի հետ վարչապետի հանդիպման ժամանակ քննարկվել է արտահերթ ընտրությունների հապճեպ անցկացման հարցը, և մենք պնդել ենք, որ այս սոցիալ-տնտեսական և բարոյահոգեբանական ճգնաժամի պայմաններում ընտրությունները չեն կարող լինել գաղափարների ու ծրագրերի շուրջ: Այս մասին «Արտահերթ չընտրություններ. քաղաքական պայքարը տեղափոխվում է փողո՞ց» քննարկման ժամանակ ասաց «Քաղաքացու որոշում» կուսակցության գործադիր մարմնի անդամ Գարեգին Միսկարյանը:
«Ընտրությունները չպետք է լինեն ինքնանպատակ, այլ պետք է միտված լինեն քաղաքական դաշտը առողջացնելուն: Մենք այս փուլում ընտրությունների անցկացումը համարում ենք վաղ»,- հավելեց նա։
Նրա խոսքով՝ որպես լուծում՝ ՔՈ-ն առաջարկում է անցումային կառավարության ձևավորումը, որովհետև կարծում է, որ Նիկոլ Փաշինյանի պաշտոնավարման շարունակությունը խորացնելու է ճգնաժամը: Գարեգին Միսկարյանի խոսքով՝ «Իմ քայլը» իր հայտարարության մեջ չի մերժել արտահերթ ընտրությունները:
Միսկարյանը նաև կարծիք հայտնեց, որ մինչև տարվա վերջ Հայաստանում արտահերթ ընտրություններ կանցկացվեն:
Մանրամասները՝ տեսանյութում:
