07.10.2026 | 23:48
Արթուր Դանիելյանը կալանավորվեց
Չի բացառվում, որ Կրեմլը այլընտրանք առաջարկի Նիկոլ Փաշինյանին․ Բորիս Նավասարդյան. ՏԵՍԱՆՅՈՒԹ
Քաղաքականություն
10.02.2021 | 12:30
«Իմ քայլում» գիտակցում են, որ արտահերթ ընտրությունների արդյունքում իրենք չեն ունենալու այն իշխանությունը, որ ունեն այսօր: Այս մասին «Արտահերթ չընտրություններ. քաղաքական պայքարը տեղափոխվում է փողո՞ց» քննարկման ժամանակ ասաց Երևանի մամուլի ակումբի նախագահ Բորիս Նավասարդյանը:
Նրա կարծիքով՝ շատ հնարավոր է, որ քաղաքական պայքարը տեղափոխվի փողոց, հաշվի առնելով նաև այն, որ եղանակը տաքանում է, և մարդիկ հնարավոր է՝ դուրս գան բողոքի ցույցերի:
«Հարցն այն է, թե որ դրոշի տակ դուրս կգան։ Ակնհայտ է, որ այն դրոշը, որը ծածանում է «16+»-ը, քիչ հետաքրքիր և քիչ ընդունելի է շատերի համար, սակայն սոցիալական լարվածությունը Հայաստանում բավականին թեժ է, և մարդիկ հենց այդ պատճառով կարող են դուրս գալ բողոքի։ Պակասում է առաջնորդող ուժը, որը կղեկավարի բողոքի արտահայտումը: Այս պահին կան մի քանի հավակնորդնե։ Բայց կա նաև երկրորդ հնարավորություն՝ որպես այլընտրանք արտահերթ ընտրությունների․ դա արտաքին ուժի, առաջին հերթին՝ Ռուսաստանի ցանկությունն է՝ աշխուժացնել Հայաստանում քաղաքական կյանքը և առաջ մղել որևէ այլընտրանք Նիկոլ Փաշինյանին։ Այս պահին դա տեղի չի ունենում, բայց այդպիսի զարգացումը չեմ բացառում»,- նշեց Նավասարդյանը:
Մանրամասները՝ տեսանյութում:
