01.11.2026 | 13:33
Աննա Ավետիսյանն ու Ամերիկայի հայկական խորհրդի ներկայացուցիչները քննարկել են ներդրումային համագործակցությունը
Գերիների փոխանակման մանրամասները, փոխվել է Արցախ այցելելու կարգը. Լուրեր
Քաղաքականություն
10.02.2021 | 12:10
Փետրվարի 9-ին ռուսական խաղաղապահ զորակազմի հրամանատար Ռուստամ Մուրադովի անձնական հսկողությամբ Բաքվին է փոխանցվել 1 գերի, Երևան է վերադարձել՝ 5 գերի։ Այս մասին տեղեկացնում են ՌԴ Պաշտպանության նախարարությունից։
—
Արցախում այսօրվանից մեկնարկել է ռազմական գործողությունների հետևանքով վիրավորում ստացած անձանց 500 000 դրամ օժանդակություն տալու համար դիմումների ընդունումը օնլայն եղանակով։ Հայտնում է աշխատանքի, սոցիալական և միգրացիայի հարցերի նախարարությունը։ Աջակցությունը տրվում է վիրավորում ստացած և այդ պատճառով բժշկական հաստատություններում բուժվող (բուժված) անձանց, ովքեր չունեն (կամ չեն ունենա) հաշմանդամության 1-ին կամ 2-րդ խումբ։
—
Փետրվարի 10-ից Հայաստանում Ռուսաստանի դեսպանության հյուպատոսական բաժինը վերսկսում է փաստաթղթերի ընդունումը եւ Ռուսաստան մուտքի վիզաների տրամադրումը օտարերկրյա քաղաքացիներին․ այս մասին տեղեկանում ենք ՀՀ-ում ՌԴ դեսպանատան ֆեյսբուքյան էջից։
