14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Ռասիզմի PR-ով եք զբաղված․ ԿԳՄՍ նախարարը Գորգիսյանին կոռեկտության կոչ արեց. ՏԵՍԱՆՅՈՒԹ
10.02.2021 | 11:51
ԱԺ-ում քննարկվում է «Բարձրագույն կրթության և գիտության մասին» օրինագիծը: ԼՀԿ խմբակցության պատգամավոր Գևորգ Գորգիսյանը, անդրադառնալով ԵՊՀ-ին հատուկ կարգավիճակ և ֆինանսավորման հատուկ կարգ տալուն, Վահրամ Դումանյանին հիշեցրեց, որ նա ԿԳՄՍ նախարար է, ոչ թե ԵՊՀ-ի պաշտպանը:
«Սա ակադեմիական ռասիզմ է, անթույլատրելի է: Մենք պարտավոր ենք բոլոր պետական բուհերի համար ապահովել նույն պայմանները»,- նշեց Գորգիսյանը:
Պատգամավորի խոսքով՝ կրթության և գիտության կապը նախագծում չի երևում: Ի պատասխան՝ նախարարը պատգամավորին զսպվածության, կոռեկտության և հարգալից արտահայտչաձևեր ընտրելու կոչ արեց. «Ինձ պետք չի հիշեցնել իմ պաշտոնը: Ես ԵՊՀ ներկայացուցիչը չեմ այստեղ: Ռասիստական գնահատականներ կգնաք այլ միջազգային դատարաններում կհնչեցնեք: Խնդրում եմ բովանդակային հարթության մեջ քննարկել խնդիրները: Ոչ թե ես ԵՊՀ-ի փիարով եմ զբաղվում, այլ դուք ռասիզմի փիարով եք զբաղված այստեղ»:
Մանրամասնները՝ տեսանյութում:
