30.06.2026 | 23:28
«Ուիմբլդոն»․ Կարեն Խաչանովը մեկնարկել է հաղթանակով
Ալեքսեյ Նավալնիի կողմնակիցները նոր ձևաչափով բողոքի ցույց կանցկացնեն. գաղափարը տվել է Նավալնին
Քաղաքականություն
09.02.2021 | 18:57
Ալեքսեյ Նավալնիի կողմնակիցները փետրվարի 14-ին պլանավորել են հերթական բողոքի ցույցն անցկացնել հաջակցություն կոռուպցիայի դեմ պայքարի հիմնադրամի ստեղծողի։ Այս մասին հայտնել է Նավալնիի տարածաշրջանային կենտրոնների ցանցի ղեկավար Լեոնիդ Վոլկովը, գրում է DW-ի ռուսական ծառայությունը։
Նրա խոսքով՝ ակցիան կանցկացվի մեկ այլ, ամբողջությամբ նոր ձևաչափով, ինչի մասին կտեղեկացվի մոտ ժամանակում։ «Մենք ամեն բան շատ ավելի խորամանկորեն կանենք ու չենք փորձի անմիջականորեն «համագործակցել» ոստիկանության հետ, կխուսափենք դրանից»,- նշել է Վոլկովը։
Ավելի ուշ իր Telegram-ալիքում Վոլկովը պարզաբանել է, որ նոր ակցիայի գաղափարը տվել է Ալեքսեյ Նավալնին, երբ ողջունել է դատարանի դահլիճում նստած իր կնոջը։
«Հուշել են նաև պետերբուրգցիները, որոնք հունվարի 31-ին փակելով ամբողջ Գորոխովայա փողոցը, լապտերները միացրած իրենց հեռախոսները բարձրացրել են վերև», – գրել է Վոլկովը: Նրա խոսքով՝ Նավալնիի շտաբը հրավիրում է Ռուսաստանի խոշոր քաղաքների բնակիչներին փետրվարի 14-ի երեկոյան դուրս գալ բակ, միացնել իրենց հեռախոսի լապտերները, բարձրացնել դրանք վերև և մի քանի րոպե այդպես կանգնել:
