01.11.2026 | 15:16
Գերմանիայում Սերունդ Z-ի ակցիաները վերածվել են անկարգությունների․ Ֆրանկֆուրտում ցուցարարները ներխուժել են զենքի խանութ
Ռուսական պատվաստանյութի արդյունավետությունն արդեն իսկ փաստ է․ Զախարովա
Քաղաքականություն
09.02.2021 | 17:27
Ամբողջ աշխարհում պետությունները հերթ են կանգնել՝ համագործակցելու Մոսկվայի հետ COVID-19 պատվաստանյութի հարցում։ Այս մասին, «ՌԻԱ Նովոստիի» փոխանցմամբ՝ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Տեսնում եք, որ ռուսական պատվաստանյութի արդյունավետությունն արդեն իսկ փաստ է, այդ մասին արդեն բոլորն են ասում։ Հերթ են կանգնել, չէ՞ որ ես սա պարզապես լավ խոսքերի համար չեմ ասում, հերթ է ձևավորվել աշխարհի տարբեր երկրներից, բոլոր մայրցամաքներից»,- «Առաջին ալիքի» եթերում ասել է Զախարովան։
Նրա խոսքով՝ «Արևմուտքի երկրները չեն կարողանում հաշտվել, որ Ռուսաստանը, առաջինը մշակելով COVID-19-ի դեմ պատվաստանյութը, չի խոսել համաշխարհային գործերում իր գերիշխանության մասին, չի թաքցրել պատվաստանյութը, այլ առաջարկել է լայնամասշտաբ միջազգային համագործակցություն այս հարցի շուրջ»։
Տաթև Ֆռանգյան
