12.01.2026 | 12:30
«Բրավո՛, Հայաստան»․ Քոնոր Մաքգրեգորը պատմել է իր երազանքի մասին
Ընկնենք դռնեդուռ, ընդդիմադիրներին համոզենք, խնդրենք, որ ընտրությո՞ւն լինի. Ալեն Սիմոնյան. ՏԵՍԱՆՅՈՒԹ
Քաղաքականություն
08.02.2021 | 17:27
Պատերազմում պարտվելուց հետո, երբ առաջացավ քաղաքական ճգնաժամ, իշխանությունը մի քանի անգամ առաջարկ արեց գնալ նոր ընտրությունների: Այս մասին խորհրդարանում լրագրողների հետ զրույցում ասաց ԱԺ փոխնախագահ Ալեն Սիմոնյանը:
«ԲՀԿ-ի և ԼՀԿ-ի մեր գործընկերներն ասում էին՝ հիմա չի լինի: Մենք առաջարկեցինք քննարկել: Իշխանությունն ասաց՝ եկեք գնանք ընտրությունների: Հիմա իրենք չեն ուզում, որովհետև գիտեն՝ լավագույն դեպքում նույն պատկերն է լինելու, իսկ վատագույն դեպքում, չեմ բացառում, որ այդ կուսակցություններից առնվազն մեկը արտահերթ ընտրություններից հետո կարող է չհայտնվել խորհրդարանում: Իրենք էլ են դա շատ լավ գիտակցում: Հիմա մենք ընկնենք դռնեդուռ, ընդդիմադիր գործիչներին համոզենք, որ իրենք արտահերթ ընտրություններին համաձայնվե՞ն: Չի լինում այդպիսի բան, ընդդիմությունն է միշտ ընտրություններ ուզում: Եվ, ամենակարևորը, մեր քաղաքացիների պահանջը մեզնից շատ կտրուկ տարբերվում է այն պահանջից, որը կարելի է մտնել համացանց և կարդալ «խելացի վարձկանների» էջերում կամ «մարիոնետ» քաղաքական մեկնաբանների, լրագրողների և ինչ-որ հայտնի մարդկանց մոտ»,- ասաց Սիմոնյանը՝ հավելելով, որ իշխանությունը մարդկանց հետ շփվել է, և մարդիկ ուրիշ բան են ուզում, ասում են՝ թավիշը վերացրեք, երկիրը կարգի բերեք:
Մանրամասները՝ տեսանյութում:
