16.01.2025 | 12:34
Ֆրանսիան գաղտնի զորավարժություններ է անցկացրել՝ նախապատրաստվելու Ուկրաինա իր զորքերի հնարավոր տեղակայմանը
Մեր որոշումները վախենալու կոնտեքստում չեն կարող լինել. Մակունցը՝ արտահերթից հրաժարվելու մասին. ՏԵՍԱՆՅՈՒԹ
Քաղաքականություն
08.02.2021 | 16:12
Խորհրդարանական ընդդիմության և արտախորհրդարանական ընդդիմության գերակշիռ մեծամասնության կողմից արտահերթ խորհրդարանական ընտրություններ անցկացնելու պահանջ չի ձևակերպվել, արտահերթ ընտրություններ անցկացնելու մասին մեր կողմից արված առաջարկը դրական արձագանք չի ստացել: Այս մասին այսօր Ազգային ժողովում լրագրողների հետ զրույցում ասաց «Իմ քայլը» խմբակցության ղեկավար Լիլիթ Մակունցը:
Նա նաև հավելեց, որ «Իմ քայլը» իշխանափոխության պահանջը հնարավոր է համարում իրականացնել ընտրությունների միջոցով:
Ինչ վերաբերում է հետագա անելիքներին, Մակունցը նշեց. «Մենք շարունակելու ենք ճանապարհային քարտեզի իրագործման աշխատանքները և ամփոփելիս նոր կանդրադառնանք արտահերթ ընտրությունների անհրաժեշտությանը»:
Դիտարկմանը, թե կարծիքներ կան, որ իշխող ուժը վախեցել է ընտրություններից և հետ է կանգնում այդ մտքից, «Իմ քայլի» ղեկավարն ասաց, որ իրենց հայտարարությունները վախի կոնտեքստում չեն եղել. «Որովհետև հենց մեր կողմից է հնչել արտահերթ ընտրություններ անցկացնելու առաջարկը, հետևաբար, եթե կան ուժեր, որոնք ընկրկում են արտահերթ ընտրություններին, ապա պետք է իրենց ուղղել այդ հարցը»:
Մանրամասները՝ տեսանյութում:
