01.11.2026 | 11:33
Ուկրաինայում պատերազմը տեղափոխվել է նաև ստորգետնյա գազատարներ․ զինվորականները մարտեր են վարում խողովակաշարերում․ ԼՈՒՍԱՆԿԱՐՆԵՐ
ԱՄՆ-ը չի վերանայի Թուրքիային F-35 կործանիչներ մատակարարելու արգելքը
Քաղաքականություն
08.02.2021 | 15:36
ԱՄՆ-ում հերթական անգամ հայտարարել են, որ Թուրքիային F-35 կործանիչներ մատակարարելու արգելքը չի վերանայվի՝ ռուսական С-400 ՀՕՊ համակարգերի գնման պատճառով, գրում է Infoteka-ն։
Պենտագոնի պաշտոնական ներկայացուցիչ Ջոն Կիրբին մամլո ասուլիսի ժամանակ, անդրադառնալով այս հարցին, ասել է․ «Թուրքիան ՆԱՏՕ-ի ուժեղ դաշնակիցն է, սակայն С-400-ի համակարգեր ձեռք բերելու որոշումը հակասում է Անկարայի՝որպես ԱՄՆ-ի ու ՆԱՏՕ-ի դաշնակցի իր պարտավորությունները։ Մեր դիրքորոշումը չի փոխվել։ С-400-ն անհամատեղելի է F-35-ի հետ։ Ահա թե ինչու է Թուրքիան հեռացվել կործանիչների ծրագրից»։
Հիշեցնենք՝ 5-րդ սերնդի ժամանակակից F-35 կործանիչների նախագիծը իրականացվում է ՆԱՏՕ-ի տասնյակ անդամ երկրների հետ համատեղ։ Ի սկզբանե նախագծին մասնակցել է նաև Թուրքիան, սակայն Ռուսաստանից С-400 զենիթահրթիռային համակարգերի գնման պատճառով, կործանիչների արտադրության ծրագրին Թուրքիայի մասնակցությունը դադարեցվել է Վաշինգտոնի նախաձեռնությամբ, իսկ արդեն պատրաստված կործանիչները չեն մատակարարվել այդ երկիր։
Տաթև Ֆռանգյան
