08.11.2024 | 02:01
8-0. «Նոա»-ն չկարողացավ դիմակայել «Չելսի»-ին
Պարսից ծոց, թե՞ Արաբական ծոց. Իրանը բողոքի նոտա է հղել Ռուսաստանին
Քաղաքականություն
08.02.2021 | 12:18
Իրանը ՌԴ արտգործնախարարություն բողոքի նոտա է ուղարկել Պարսից ծոցը Արաբական ծոց անվանելու հետ կապված։ Այս մասին, ՏԱՍՍ-ի փոխանցմամբ՝ հայտնել է Իրանի Իսլամական Հանրապետության ԱԳՆ պաշտոնական ներկայացուցիչ Սաիդ Խաթիբզադեն։
«Մոսկվայում մեր երկրի դեսպանության միջոցով ՌԴ արտգործնախարությանն է փոխանցվել բողոքի նոտա»,- հայտնել է դիվանագետը։
Խաթիբզադեն պարզաբանել է, որ դա կապված է ՌԴ ԱԳՆ Twitter-յան էջի արաբալեզու տարբերակում «Արաբական ծոց» հիշատակման հետ։ Խոսքը գնում է այն հաղորդագրության մասին, որի մեջ ասվում է ՌԴ փոխարտգործնախարար Միխայիլ Բոգդանովի ու Իրաքի դեսպան Աբդերախման Հուսեյնի հանդիպման մասին։
Իրանն օգտագործում է միայն Պարսից ծոց տերմինը և չի ընդունում Արաբական ծոց անվանումը, քանզի այն համարում է պատմական անվանումից հրաժարում։
Տաթև Ֆռանգյան
