27.08.2026 | 11:33
Գարեգին Բ կաթողիկոսը և եպիսկոպոսները վաղվա դատական նիստին չեն ներկայանալու․ փաստաբան
Ռադիոկապի խափանում. Մոսկվայից Ամստերդամ թռչող մարդատար ինքնաթիռը վայրէջք է կատարել Շերեմետևո օդանավակայանում
Քաղաքականություն
06.02.2021 | 19:32
Ռադիոկապի համակարգի մասնակի խափանման պատճառով Մոսկվայից Ամստերդամ թռչող «Աերոֆլոտ»-ի մարդատար ինքնաթիռը վայրէջք է կատարել Շերեմետևո օդանավակայանում: Այս մասին ՏԱՍՍ-ին հայտնել է ավիացիոն ծառայությունների իր աղբյուրը:
«Ինքնաթիռը վայրէջք է կատարել մեկնման օդանավակայանում: Պարզվում է ռադիոկապի համակարգի խափանման պատճառը», – ասել է նա:
«Աերոֆլոտը» հաստատել է օդանավի կանոնավոր վայրէջքի մասին տեղեկությունը: «Ամստերդամ ուղևորվող Airbus 320- ը, ժամը 17:30-ին վառելիքը սպառելուց հետո, վայրէջք է կատարել Շերեմետևոյում: Օդանավի հրամանատարի` մեկնման օդանավակայան վերադառնալու որոշման պատճառը ռադիոկապի համակարգի խափանումն էր», – լրագրողներին ասել է «Աէրոֆլոտ»-ի ներկայացուցիչ Միխայիլ Դեմինը՝ նշելով, որ ուղևորների ու անձնակազմի կյանքին ու առողջությանը վտանգ չի սպառնում:
Ավելի վաղ հաղորդվել էր, որ Մոսկվայից Ամստերդամ թռչող ուղևորատար Airbus A320-ը ահազանգ էր հնչեցրել մեկնելուց 20 րոպե անց՝ Տվերի շրջանից մոտ 8 հազար մետր բարձրության վրա:
