08.11.2024 | 09:49
Փրկարարները քարշակել են արգելափակված բեռնատարը
Սենատը հաստատել է Բայդենի բյուջետային ծրագիրը
Քաղաքականություն
06.02.2021 | 14:14
ԱՄՆ նախագահ Ջո Բայդենի՝ 1,9 տրիլիոն դոլարի կորոնավիրուսային օգնության փաթեթի արագ ընդունման հարցը նոր թափ ստացավ ուրբաթ օրը առավոտյան, երբ ԱՄՆ Սենատը հաստատեց բյուջեի նախագիծը: Սա հնարավորություն է տալիս դեմոկրատներին Կոնգրեսի միջոցով առաջիկա շաբաթների ընթացքում անցկացնել օրինագիծը՝ անկախ հանրապետականների աջակցությությունից. հաղորդում է VOA-ն:
15 ժամ տևած քննարկումներից և տասնյակ փոփոխությունների շուրջ անընդմեջ քվեարկություններից հետո Սենատը հայտնվեց փակուղում. բյուջեի նախագիծն ընդունելիս ձայները բաշխվել էին հավասար՝ 50-50: Այս փակուղին հաղթահարվեց փոխնախագահ Քամալա Հարրիսի ձայնի շնորհիվ, որի կողմ քվեարկությունն ապահովեց դեմոկրատների մեծամասնությունը:
Վերջնական քվեարկությունից առաջ դեմոկրատները առաջարկեցին փոփոխություններ, որով վերացվում էին նախկինում կայացրած որոշ որոշումներ Keystone XL խողովակաշարի ապագայի և կորոնավիրուսային օգնությունը Միացյալ Նահանգներում անօրինական ներգաղթյալներին տրամադրելու վերաբերյալ:
Փոխնախագահ Քամալա Հարրիսի նախագահությամբ, դեմոկրատ սենատորներին հաջողվեց ընդունել փոփոխությունները:
Սա առաջին դեպքն է, երբ Հարրիսը քվեարկում է որպես Սենատի նախագահ հունվարի 20-ից փոխնախագահի պաշտոնը ստանձնելուց հետո:
