17.09.2026 | 19:38
Մինսկի փողոցում սեպտեմբերի 18-ից կկազմակերպվեն հետիոտնային անցում և հասարակական տրանսպորտի կանգառներ
Ադրբեջանցի 80 զինծառայող Թուրքիայում «Բայրաքթար»-ների կառավարման դասընթաց է անցել
Քաղաքականություն
06.02.2021 | 13:28
Թուրքիայում Ադրբեջանի ռազմաօդային ուժերի գրեթե 80 զինծառայող ավարտել է ուսումնական ծրագիրը, որը նախաձեռնել էր անօդաչու թռչող սարքեր արտադրող թուրքական «Բայրաքթար» ընկերությունը։ Այս մասին գրում է «Ինտերֆաքս»-ի ադրբեջանական ծառայությունը՝ վկայակոչելով թուրքական ԶԼՄ-ներին։
«Չորսամսյա ծրագրի շրջանակում Ադրբեջանի ռազմաօդային ուժերի 77 զինծառայող անցել է ուսուցում՝ Bayraktar TB2-ի հետ աշխատելու համար։ Դասընթացն անցել է Թուրքիայի հյուսիս-արևմուտքում՝ Քեշանեում գտնվող Baykar Defence արտադրողի օբյեկտներում»,- գրում է լրատվամիջոցը։
Ավելի վաղ էլ սոցիալական ցանցերի իր էջում «Բայրաքթար» անօդաչուներ արտադրող «Բայքար» ընկերության տնօրեն, Թուրքիայի նախագահ Ռեջեփ Թայիփ Էրդողանի փեսա Սելջուկ Բայրաքթարը լուսանկարներ էր հրապարակել ադրբեջանցի զիծառայողների՝ դիպլոմների հանձնման արարողությունից։
Ադրբեջանցի զինծառայողների՝ միայն օրերս անօդաչուների կառավարման դասընթացն ավարտելը ևս մեկ անգամ փաստում է, որ Արցախյան պատերազմի ընթացքում թուրք մասնագետներն են Ադրբեջանում իրականացրել «Բայրաքթար»-ների կառավարումը։ Պատերազմի ընթացքում և դրանից հետո էլ միջազգային մամուլում տարածվող տեղեկությունների համաձայն՝ Ադրբեջանում «Բայրաքթար»-ների կիրառման գործողությունները ղեկավարել է Թուրքիայի ռազմաօդային ուժերի մատակատակարարման ու տեխնիկական սպասարկման կենտրոնի հրամանատար, գեներալ-մայոր Գյոքսել Քահյան։
Էմմա Չոբանյան
