01.11.2026 | 18:39
Թայվանի հյուսիսարևելյան ափերի մոտ 5,6 մագնիտուդով երկրաշարժ է տեղի ունեցել
ԻՊ զինյալների ու սիրիական բանակի զինվորների միջև թեժ մարտեր են եղել․ կան զոհեր ու վիրավորներ
Քաղաքականություն
05.02.2021 | 18:46
«Իսլամական պետություն» (ԻՊ) ահաբեկչական խմբավորման զինյալները Սիրիայի Արաբական Հանրապետության արևելքում փետրվարի 5-ի գիշերը նոր հարձակում են իրականացրել սիրիական բանակի զինվորների վրա։
Համաձայն Լոնդոնում տեղակայված «Մարդու իրավունքների սիրիական կենտրոնի տեղեկությունների» (SOHR)՝ ԻՊ զինյալների գործողությունների հետևանքով սպանվել է 4 մարդ, ևս 6 զինծառայող վիրավորվել է, գրում է EurAsia Daily-ն։
Զինվորները բախվել են դարանակալած ԻՊ զինյալներին, երբ վերջիններս զննելիս են եղել Տայարատ շրջանը՝ Ալ-Մայադին քաղաքի մոտքերում՝ Դեր Զոր նահանգի արևելքում։
Համաձայն SOHR-ի տվյալների՝ վիրավորները տեղափոխվել են Դեր Զորի զինվորական հոսպիտալ։ Այս շաբաթ թեժ մարտեր են ընթացել սիրիական բանակի ու ահաբեկիչների շարժական ջոկատների միջև ռազմաճակատի մի քանի ուղղություններով՝ Հալեպ-Համա-Ռաքքա եռանկյունու շրջանակներում, ինչպես նաև Հոմսի արևելյան շրջաններում։ Այստեղ ԻՊ զինյալները փետրվարի 3-ին փորձել են հարվածներ հասնել Ալ-Ֆասիդա շրջանում տեղակայված կառավարական օբյեկտներին։
Տաթև Ֆռանգյան
