09.06.2026 | 23:00
Antrophic-ը զգուշացնում է․ ԱԲ զարգացումը 25 տոկոս հավանականությամբ կարող է դուրս գալ մարդու վերահսկողությունից
Մեկ շաբաթում երկրորդ մեղադրանքը․ Ալեքսեյ Նավալնիի դեմ երկրորդ դատական լսումներն են մեկնարկել Մոսկվայում
Քաղաքականություն
05.02.2021 | 16:04
Մոսկվայի Բաբուշկինի տարածքային դատարանում ռուս ընդդիմադիր քաղաքական գործիչ Ալեքսեյ Նավալնիի դեմ զրպարտության գործով երկրորդ դատական լսումներ են սկսվել։ Ուժեղացվել են անվտանգության միջոցառումները։ Դատարանի տարածքի մոտերքում հերթապահում են ոստիկանության ջոկատները։ Դատարանում և դրա տարծքում իրավիճակը դեռևս հանգիստ է, ձերբակալություններ չեն իրականացվում, գրում է DW-ն՝ հղում կատարելով ռուսական լրատվամիջոցներին։
Տեղեկացվում է, որ ձերբակալված Ալեքսեյ Նավալնին անձամբ է մասնակցում դատական լսումներին։ Մեդադրող կողմի վարկածի համաձայն՝ Նավալնին հունիսի 2-ին Twitter-ում և Telegram-ում հրապարակել է RT հեռուստաալիքի տեսանյութը, որում կոչ է արվում ռուսներին ընդունել Սահմանադրության նոր լրացումները։ Տեսանյութին կից վերջինս մեկնաբանություն է գրել, որում, իբրև թե, կեղծ տեղեկություններ կան՝ վետերան Իգնատ Արտյոմենկոյի պատիվն ու արժանապատվությունը վիրավորող։ Այսպիսով՝ ըստ քննչական մարմինների՝ Նավալնին զրպարտություն է արել (ՌԴ ՔՕ 128,1 հոդվածի 2-րդ մասով)։
Այս դատական լսումների ժամանակ ևս պետական մեղադրող կողմը ներկայացնում է Նավալնիի դեմ նախորդ դատական գործընթացի դատախազ Եկատերինա Ֆրոլովան։ Դատական նիստի ժամանակ արգելել են տեսանկարահանում իրականացնել՝ պարզաբանելով, որ այն կարող է ոտնահարել դատական գործընթացին մասնակցող անձանց մասնավոր կյանքի անձեռնմխելիությունը։
