15.12.2024 | 10:40
Վրաստանի կողմից Բավրայի անցակետը փակ է կցորդիչով բեռնատարների համար
Ղազախստանը քննարկում է թուրքական ԱԹՍ-ներ գնելու հարցը
Քաղաքականություն
05.02.2021 | 12:17
Ղազախստանն ու Թուրքիան շարունակում են ռազմատեխնիկական համագործակցությունը։ Այս մասին հայտնում է mail.kz-ն։
Ղազախստանի պաշտպանության նախարար, գեներալ-լեյտենանտ Նուրլան Երմեկբաևն ընդունել է Թուրքիայի ազգային պաշտպանության նախարարի տեղակալ Մ. Դերեին։ Տեղեկացվում է, որ հանդիպման ժամանակ Նուրլան Երմեկբաևը կարևորել է ռազմատեխնիկական համագործակցությունը, մասնավորապես՝ համատեղ ձեռնարկություններ կառուցելու, ինչպես նաև երկու երկրների ռազմական ուսումնական հաստատություններում բարձր որակավորում ունեցող մասնագետներ պատրաստելու հարցում։
Նշվում է, որ թուրքական խոշոր պաշտպանական ընկերությունների հետ համագործակցության հարցերը քննարկվել են Ղազախստանի Հանրապետության պաշտպանության նախարարի տեղակալ, գեներալ-մայոր Մուհամեջան Թալասովի և իր թուրք գործընկեր Մ. Դերեի հետ հանդիպման ժամանակ:
Կողմերը քննարկել են տարբեր տեսակի ԱԹՍ-ների ձեռքբերման, Ղազախստանի ձեռնարկություններից մեկում դրանց հետագա տեղայնացման, ինչպես նաև թուրքական ձեռնարկությունների կողմից արտադրված զրահատեխնիկայի հնարավորություններին ծանոթանալու վերաբերյալ հարցեր:
Հիշեցնենք, որ Ղազախստանը հանդիսանում է ՀԱՊԿ անդամ երկրի, Հայաստանի, Ղրղզստանի, Ռուսաստանի, Տաջիկստանի և Ուզբեկստանի հետ միասին։
Տաթև Ֆռանգյան
