11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Նորվեգական նավթային հսկա «Equinor»-ը լուծարել է Ադրբեջանում իր ներկայացուցչությունները
Քաղաքականություն
04.02.2021 | 22:30
Նորվեգական «Equinor Shah Deniz AS» և «Equinor Azerbaijan AS» ընկերությունները հայտարարել են Ադրբեջանում լուծարման մասին։ Այս մասին հաղորդում է ադրբեջանական Report-ը՝վկայակոչելով պետական հարկային պետական ծառայության պաշտոնաթերթը։
«Equinor» ընկերությունն Ադրբեջանում գործում է 1992 թվականից։ Այն 7․27 տոկոս բաժնեմաս ունի «Ազերի-Չիրագ-Գյունեշլի» նավթահանքում և 8․71 տոկոս՝ Բաքու-Թբիլիսի-Ջեհյան նավթամուղում։
Բացի այդ, 2018թ․ մայիսի 30-ին ադրբեջանական SOCAR-ն ու նորվեգական Equinor-ը պայմանագիր էին կնքել Կասպից ծովի ադրբեջանական սեկտորում «Ղարաբաղ» նավքահանքի մշակման մասին։
Հիշեցնենք, որ հոկտեմբերին էլ ամերիկյան «Chevron» ընկերությունն էր հայտարարել Ադրբեջանում իր ներկայացուցչության լուծարման մասին։ Chevron-ը բաժնեմասեր ուներ Ազերի-Չիրագ-Գյունեշլի նավթահանքում և Բաքու-Թբիլիսի-Ջեյհան նավթամուղում։ 2019 թվականի նոյեմբերի 4-ին ամերիկյան ընկերությունը հունգարական MOL ընկերության հետ համաձայնագիր կնքեց՝ իր և Ադրբեջանի իր ակտիվները վաճառելով 1․57 մլրդ դոլարով։
Հավելենք, որ ամերիկյան նավթարդյունահանող մեկ այլ՝ աշխարհի խոշորագույն Exxon Mobil ընկերությունը ևս մտադիր է հեռանալ Ադրբեջանից։ Ընկերությունը 2018 թվականին արդեն փորձել է վաճառել Ազերի-Չիրագ-Գյունեշլիում ունեցած 6.8 տոկոսանոց մասնաբաժինը: Հիմա էլ, տարբեր հրապարակումների համաձայն, Exxon Mobil-ը վերսկսել է իր մասնաբաժնի վաճառքի գործընթացը։ Ակտիվների նկատմամբ հետաքրքություն են ցուցաբերում հատկապես ասիական ընկերությունները։
Էմմա Չոբանյան
