01.11.2026 | 14:44
«Արենի-1» քարայրը ներառվել է ՅՈՒՆԵՍԿՕ-ի Համաշխարհային ժառանգության նախնական ցանկում
Ռուսական ռազմական ինքնաթիռը հատել է Էստոնիայի օդային տարածքը
Քաղաքականություն
04.02.2021 | 19:22
Էստոնիան հայտարարել է, որ ռուսական ռազմական Իլ-76ՄԴ ինքնաթիռը խախտել են բալթյան երկրի օդային տարածքը։ Այս մասին հայտնում ՌԻԱ Նովոստին։
«Ռուսական ռազմական Իլ-76ՄԴ ինքնաթիռը խախտել է Էստոնիայի օդային սահմանը։ Միջադեպը գրանցվել է Վայնդլո կղզու շրջանում։ Ինքնաթիռը գտնվել է Էստոնիայի օդային տարածքում շուրջ մեկ րոպե»,- հինգշաբթի օրը հայտնել են Էստոնիայի ՊՆ գլխավոր շտաբի մամլո ծառայությունից։
Տեղեկացվում է, որ ինքնաթիռը թռել է հաղորդիչները միացված վիճակում, սակայն Էստոնիայի օդային տարածքում գտնվելու պահին այն ռադիոկապի մեջ չի եղել Էստոնիայի ավիադիսպետչերական ծառայության հետ։
Գլխավոր շտաբի տվյալների համաձայն՝ Էստոնիայի ԱԳՆ է կանչվել երկրում ՌԴ դեսպան Ալեքսանդր Պետրովը, ում համապատասխան նոտա է հղվել։ ՌԴ ՊՆ-ից սակայն հերքել են սույն տեղեկությունները։
«Թռիչքը տեղի է ունեցել նախապես համաձայնեցված երթուղով` միացված հաղորդիչով: Օդանավի անձնակազմը մշտական կապի մեջ է եղել Էստոնիայի օդային երթևեկության վերահսկիչների հետ, որոնք թռիչքի օրը կամ դրան հաջորդած օրը ոչ մի պահանջ չեն ներկայացրել ռուսական անձնակազմին», – ասել են ՌԴ ՊՆ-ից:
Տաթև Ֆռանգյան
