08.10.2026 | 13:34
Պատանեկան ԵԱ-ում Հայաստանը 7 բռնցքամարտիկ ունի 1/4 եզրափակիչում
Թոշակի վճարման խնդիր չի առաջանա, հակառակը՝ պիտի աշխատենք թոշակներն ավելի բարձրացնել. Գևորգ Պապոյան. ՏԵՍԱՆՅՈՒԹ
Հասարակություն
04.02.2021 | 14:56
Պետք չէ վախենալ վարկերից, վարկերը վատ բան չեն: Մենք մեր կյանքում շատ-շատ բաներ չէինք ունենա, եթե վարկեր չվերցնեինք: Այս մասին Factor TV-ի հետ զրույցում ասաց «Իմ քայլը» խմբակցության պատգամավոր Գևորգ Պապոյանը՝ անդրադառնալով արտաքին պարքի ավելացման մասին դիտարկմանը:
Նրա խոսքով՝ եթե վարկերի պատճառով հայտնվել են վատ վիճակում, ուրեմն բավարար չափով խելացի չեն օգտագործել վարկային միջոցը: «Նույնը պետությունն է, մենք ոչ թե պետությունից պետք է պահանջենք, որ պարտք չվերցնի կամ վախենանք, որ պետությունը վարկեր է վերցնում, այլ պետք է երբևէ չընտրենք այնպիսի իշխանության, որը մեր հաշվին ներքին կամ արտաքին պարտք կվերցնի և դրանով իր սեփական հարստությունը կավելացնի: Հակառակը՝ պետության պարտքով պետք է ավելանան ճանապարհների թիվը, ջրային համակարգերը, կապիտալ շինարարությունը զարգանա, դպրոցներն ու մանկապարտեզները վերանորոգվեն և նմանատիպ ծախսեր կատարվեն»:
Անդրադառնալով որոշ ընդդիմադիր գործիչների պնդումներին, թե մի քանի ամսից տնտեսական լրջագույն խնդիրներ են առաջանալու և կառավարությունը չի կարողանալու անգամ կենսաթոշակները վճարել քաղաքացիներին՝ պատգամավորը նշեց. «Սով տեղի չի ունենա, աշախատավարձերի և թոշակների վճարման հետ կապված որևէ խնդիր չի առաջանա, հակառակը՝ պիտի աշխատենք թոշակներն ավելի բարձրացնել: Ավելին՝ մենք մտել ենք դրական ազդակով մի շրջան: Աշխարհի վստահությունը Հայաստանի նկատմամբ բարձրացել է: Հայաստանում փողի խնդիր չկա: Մենք ունենք պատշաճ ծրագրեր իրականացնելու խնդիր»:
Մանրամասները՝ տեսանյութում:
