02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Դուք ուսանողնե՞ր եք, թե՞ ահաբեկիչներ․ Էրդողանը խոստացել է ամեն բան անել բողոքի ցույցերը կանխելու համար
Քաղաքականություն
04.02.2021 | 16:50
Թուրքիայի նախագահ Ռեջեփ Թայիփ Էրդողանը հայտարարել է, որ իր կառավարությունը թույլ չի տա, որպեսզի Թուրքիայի համալսարանում մեկ ամիս շարունակվող բողոքի ցույցերը վերածվեն 2013 թվականին նմանվող հակակառավարական ցույցերի՝ ցուցարարներին անվանելով «ահաբեկիչներ», իսկ ԼԳՏԲ շարժումը թուրքական արժեքների հետ անհամատեղելի, գրում է Aljazeera-ն։
«Այս երկիրը չի ղեկավարվի ահաբեկիչների կողմից։ Մենք անհաժեշտ ամեն բան կանենք դա կանխելու համար»,- հայտարարել է Էրդողանը իշխող կուսակցության պատգամավորների առջև ելույթի ժամանակ։
Նա երիտասարդ ցուցարարներին «Թուրքիայի ազգային ու հոգևոր արժեքներից զուրկ» մարդիկ ու ահաբեկչական խմբավորման անդամներ է անվանել։
«Դուք ուսանողնե՞ր եք, թե՞ ահաբեկիչներ, ովքեր փորձում են գրոհել ռեկտորի սենյակը»,- հայտարարել է Էրդողանը։ «Այս երկիրը կրկին չի ապրի Գեզիի իրադարձությունը Թաքսիմում, թույլ չենք տա դա: Մենք ահաբեկիչների կողքին չենք կանգնել և չենք կանգնի »:
Ստամբուլի Բոգազիչի համալսարանի ուսանողներն ու դասախոսները բողոքի ցույցերի են դուրս եկել Էրդողանի կողմից ակադեմիկոս և պատգամավորի նախկին թեկնածու Մելիհ Բուլուին ռեկտոր նշանակելու պատճառով:
Ըստ ցուցարարների՝ նշանակման գործընթացը ոչ ժողովրդավարական է եղել, և ցանկանում են, որ նա հրաժարական տա:
Այս շաբաթ Ստամբուլում ձերբակալվել է բողոքի ցույցի ավելի քան 250 մարդ, իսկ Անկարայում `69-ը:
Տաթև Ֆռանգյան
