01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Վլադիմիր Պուտինն առաջին անգամ կարող է դառնալ ԱՄՆ կողմից անհատական պատժամիջոցների օբյեկտ
Քաղաքականություն
04.02.2021 | 12:45
Ռուսաստանի նախագահ Վլադիմիր Պուտինն առաջին անգամ կարող է դառնալ ԱՄՆ կողմից անհատական պատժամիջոցների օբյեկտ։ Երկու կուսակցությունները ներկայացնող ամերիկացի սենատորների խումբը օրինագիծ է մշակել՝ Ալեքսեյ Նավալնիի թունավորման ու Բորիս Նեմցովի սպանության համար ռուս պաշտոնատար անձանց պատասխանատվության ենթարկելու մասին։ Այս մասին հայտնում է BBC-ի ռուսական ծառայությունը։
«Պուտինի կառավարությունն ունի երկար և կեղտոտ պատմություն՝ իրականացնելով սպանություններ և սպանությունների փորձեր Ռուսաստանի քաղաքացիներին լռեցնելու համար … այն քաղաքացիների, որոնք ուշադրություն են հրավիրում ռեժիմի կոռուպցիայի և չարաշահման վրա»,- բացատրել է դեմոկրատ սենատոր Քրիս Կունսը՝ ներկայացնելով օրինագիծը.
««Թշնամական գործողությունների համար Ռուսաստանին պատասխանատվության ենթարկելու մասին» վերտառությամբ փաստաթուղթը պահանջում է, որ ԱՄՆ վարչակազմը դրա հաստատումից հետո 90 օրվա ընթացքում օրենսդիրներին տրամադրի տեղեկություններ նախկին և ներկայիս Ռուսաստանի պաշտոնյաների, ինչպես նաև Ռուսաստանի պատվերով գործող անձանց մասին, որոնք գործել են ՌԴ իշխանությունների հրահանգով ու կապ ունեն Ալեքսեյ Նավալնիի թունավորման հետ։ Սպիտակ տունը պարտադրված է լինելու որոշել, թե արդյոք Ռուսաստանի իշխանությունները խախտե՞լ են քիմիական և կենսաբանական զենքի օգտագործումն արգելող օրենքները»:
180 օրվա ընթացքում վարչակազմը պետք է Կոնգրեսին փոխանցի բոլոր տեղեկությունները Բորիս Նեմցովի սպանության մասին, որին գնդակահարել էին Մոսկվայում 2015 թվականի փետրվարին:
Օրինագծի կետերից մեկով էլ պահանջվում է, որ ԱՄՆ նախագահը օրենսդիրներին տեղեկություններ տրամադրի Վլադիմիր Պուտինի և նրա ընտանիքի անդամների անձնական կարողության մասին:
