01.11.2026 | 21:01
Սարգիս Ստեփանյանը՝ հինգերորդ անգամ աշխարհի չեմպիոն
Փարիզում Սեն գետը դուրս է եկել ափերից․ կամուրջները հեղեղվել են, գետնանցումները վերածվել լողավազանների
Քաղաքականություն
03.02.2021 | 15:39
Ափերից դուրս եկած Սեն գետը հեղեղել է Փարիզի կենտրոնի ափամերձ շրջանները։ Ափամերձ շրջանների բարձրադիր գոտիներում «Վայր իջնելն արգելավում է» գրությամբ պատնեշներ են տեղադրվել։ Աստիճաններն ուղիղ ջուրն են իջնում։ Համաձայն չափումների՝ գետը միջինում 4,15 մ է բարձրացել։ Ակնկալվում է, որ մոտ ժամանակում ջրի մակարդակը կարող է հասնել 4,24–4,49 մ-ի, գրում է kommersant.ru-ն։
Քաղաքին ջրհեղեղով սպառնացող ջրի հոսքը բերել է ափերից դուրս եկած Մարն գետը։ Հեղեղված են գետի մոտերքում գտնվող գյուղերն ու բնակավայրերը, բազմաթիվ բնակիչներ ստիպված են եղել լքել իրենց տները։
Փարիզում նման վտանգ չկա, սակայն քաղաքային իշխանություններն անհանգստանում են RER գծերով ընթացող էլեկտրական գնացքների գծերի համար, որոնք անցնում են գետի ձախ ափով։ Այդ գծերի համար վտանգավոր է համարվում 4,85 մետրից սկսած ջրի մակարդակի բարձրացումը։
Դադարեցվել է գետով երթևեկը, քանի որ գետի հոսքն ուժեղացել է, ու նաև փարիզյան կամուրջների բարձրությունն է նվազել։ Գրեթե ջրով է ծածկվել Կարապների կղզին՝ Անկախության արձանի հետ միասին։
Թյուիլրի զբոսագյու մոտերքում գտնվող հետիոտնային կամուրջն անցել է ջրի տակ, գետնանցումները վերածվել են լողավազանների:
Օդերևութաբանները նախազգուշացնում են, որ առաջիկա օրերին անձրևները կարող են է՛լ ավելի վատթարացնել իրավիճակը։
Տաթև Ֆռանգյան
