Ճապոնիայում ցուցարարները պահանջել են Տոկիոյից ավելի կոշտ դիրքորոշում որդեգրել Մյանմարում տեղի ունեցած ռազմական հեղաշրջման առնչությամբ

Հազարավոր բիրմացի ցուցարարներ այսօր հավաքվել են Ճապոնիայի արտգործնախարարության շենքի դիմաց`պահանջելով, որ Տոկիոն միանա իր դաշնակիցներին` ավելի կոշտ դիրքորոշում որդեգրելով Մյանմարում տեղի ունեցած ռազմական հեղաշրջման դեմ, գրում է Reuters-ը:

Կարմիր հագուստ հագած և Աունգ Սան Սու Կիի տպագիր լուսանկարները թափահարելով ՝ ցուցարարների երկար շարասյունը շրջապատել է Տոկիոյի կառավարական շենքերը, որտեղ քաղաքական բազմամարդ ցույցեր հազվադեպ են գրանցվում:

«Ազատություն, ազատություն Աունգ Սան Սու Կիի, ազատություն Մյանմար», – միաձայն վանկարկել են ցուցարարները։ Նրանց ներկայացուցիչները արտգործնախարարության պաշտոնյաներին են  հանձնել հայտարարություն, որով կոչ են արել Ճապոնիային օգտագործել քաղաքական, դիվանագիտական ​​և տնտեսական իր ողջ ներուժը՝ Մյանմարում  քաղաքացիական կառավարությունը վերականգնելու համար:

Ճապոնիան և Մյանմարը երկար տարիներ է սերտ կապեր ունեն. Տոկիոն օգնության խոշոր դոնոր է հանդիսանում այդ երկրի համար: Վերջին տարիներին ճապոնական խոշոր ընկերությունները ընդլայնում են Մյանմարում իրենց բիզնեսը ՝ այն դիտարկելով որպես Հարավարևելյան Ասիայի վերջին խոշոր սահմանային շուկան:

Հիշեցնենք՝ Մյանմարի բանակը երկուշաբթի օրն իր ձեռքն էր վերցրել երկրի իշխանությունը , իսկ երկրի օրինական ղեկավար կազմը ձերբակալված է:

Տաթև Ֆռանգյան