15.11.2024 | 13:49
Պուտինն Ալիևի հետ հեռախոսազրույցում ռազմավարական գործընկերության զարգացման հարցեր է քննարկել
«Սասնա ծռեր» խմբի անդամների բնակարանների զննության ժամանակ գտել են Սեֆիլյանի անձանագրի պատճենը
Հասարակություն
24.01.2018 | 17:14
«Սասնա ծռերի» 10 անդամների գործով դատական նիստին մեղադրողները ներկայացնում են գրավոր ապացույցները: Մեղադրող Պետրոս Պետրոսյանը ներկայացրեց ոստիկանության սպանված ծառայակից Արթուր Վանոյանի դիակի զննության տվյալները: Նա նշեց, որ ոստիկանի մարմնին հայտնաբերվել են հրազենային վնասվածքներ. «Մարմնի ծայրամասերը եղել են արյունոտված, կրծքավանդակի շրջանում՝ վերք»:
Մեղադրողները ներկայացրին նաև բնակարանների զննության արդյունքները. հիմնականում հայտաբերել էին գումարներ, տարբեր փաստաթղթեր և, որ ուշագրավն է, Ժիրայր Սեֆիլյանի անձնագրի պատճենը, դրոշակներ «Հիմնադիր խորհրդարանից»:
Փաստաբան Դավիթ Գյուրջյանը դատարանին խնդրեց թույլատրել իր պաշտպանյալ Գագիկ Եղիազարյանին տասը րոպեով տեսակցել: Դատավորը, սակայն, մերժեց՝ նշելով, որ տեսակցություններն ապահովում է ՔԿՀ-ն և ոչ թե դատարանը:
Նախորդ նիստին դատավորը Գագիկ Եղիազարյանին հեռացրել էր նիստերի դահլիճից: Փաստաբանները հայտարարեցին, որ ներկայացված ապացույցների վերաբերյալ հայտարարություններ ունեն, դատավորն էլ ասաց` հայտարարությունները ապացույցների հրապարակման ավարտից հետո միայն:
Փաստաբանները փորձում էին ներկայացված ապացույցների վերաբերյալ հայտարարություն անել, դատավորը, սակայն վերջին քսան րոպեն միայն տրամադրեց նրանց: Սա առաջացրեց փաստաբանների դժգոհությունը, Արայիկ Պապիկյանը դատարանին ասաց, որ հայտարարություններ կանեն արդեն հաջորդ նիստի ընթացքում: Նիստը հետաձգվեց:
Լիլիթ Շաբոյան
