02.11.2026 | 14:58
Ադրբեջանի և Իրանի սահմանին փոխհրաձգություն է տեղի ունեցել սահմանախախտների հետ
Ձերբակալություններ ու լարված իրավիճակ Մոսկվայում․ դատարանը քննում է Նավալնիի խափանման միջոցի հարցը․ՖՈՏՈ․ ՏԵՍԱՆՅՈՒԹ
Քաղաքականություն
02.02.2021 | 13:14
Ռուս ընդդիմադիր քաղաքական գործիչ Ալեքսեյ Նավալնիին տեղափոխել են Մոսկվայի քաղաքային դատարան, որտեղ այսօր կվճռվի «Իվ Ռոշեի» գործով նրա պայմանական ազատարձակումն իրականով փոխարինելու հարցը։ Քաղաքական գործչին նստեցրել են ապակե խցում, հայտնում է tvrain.ru-ն։
Մոսկվայի Սիմոնովսկիի դատարանը որոշում է կայացրել արտագնա նիստ անել Մոսկվայի քաղաքային դատարանում, որտեղ կա մեծ դահլիճ՝ իր այս քայլը բացատրելով մամուլի կողմից դատական գործի հանդեպ մեծ ուշադրությամբ։ Դատարանի շենքին մոտենալ թույլ են տալիս միայն լրագրողներին ու դատավարության մասնակիցներին։ Տեղեկացվում է, որ Նավալնիի կինը՝ Յուլիա Նավալնին արդեն Մոսկվայի քաղաքային դատարանում է։
Մինչ այդ, ուժայինները սկսել են դատարանի դիմաց հավաքված Նավալնիի աջակիցների ձերբակալությունները։ Tvrain.ru-ն հայտնում է, որ հիմնականում ձերբակալում են երիտասարդներին։ Այժմ ձերբակալություններ են իրականացվում տրամվայի կանգառում։ Ավելի վաղ հաղորդվում էր, որ այս երթուղով դադարել են տրամվայների երթևեկությունը։
Տեղեկացվում է նաև որ մետրոյի մոտակայքում մարդկանց են ձերբակալում։ Լրագրողները նշում են , որ հայտնի չէ, թե ինչ սկզբունքով են իրականացվում ձերբակալությունները։ Նշվում է, որ ձերբակալվածները բողոքում են, որ պարզապես դուրս են եկել մետրոյից ու ձերբակալվել են։
Մանրամասները՝ տեսանյութում
Новые задержания у Мосгорсуда
Видео: Маша Борзунова / Дождь pic.twitter.com/S2acDysVlV
— Дождь (@tvrain) February 2, 2021
