01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Թուրքիայում ուսանողական խաղաղ ցույցերի 159 մասնակից է ձերբակալվել
Քաղաքականություն
02.02.2021 | 12:30
Թուրքիայի նախագահ Ռեջեփ Թայիփ Էրդողանի կողմից Բոսֆորի համալսարանում նոր ռեկտոր նշանակելու կապակցությամբ Ստամբուլում ուսանողական ցույցերի 159 մասնակից ձերբակալվել է։ Այս մասին փետրվարի 1-ին հայտնել են Ստամբուլի նահանգապետի գրասենյակից, հայտնում է DW-ի ռուսական ծառայությունը։
AFP գործակալությունը նշում է, որ բողոքի ցույցը խաղաղ բնույթ է կրել, սակայն ոստիկանները ուժ են կիրառել այն ցրելու համար։ Ուսանողները ոչ միայն պահանջել են ռեկտորի հեռանալը, այլ նաև 4 ուսանողների ազատ արձակումը։
Հավելենք, որ ուսումնական հաստատության նոր ռեկտոր է նշանակվել տնտեսագետ Մելիհ Բուլուն, ով 2015 թվականի խորհրդարանական ընտրություններում առաջադրվել էր Էրդողանի կողմից ղեկավարվող իշխող պահպանողական Արդարություն ու զարգացում կուսակցությունից։
Տաթև Ֆռանգյան
