Եթե Ադրբեջանը ռազմագերիներին չտա, ուրեմն պատանդ պահող երկիր է. Էդմոն Մարուքյան․ ՏԵՍԱՆՅՈՒԹ

Մարդիկ տեսնում են, որ պատերազմն ավարտվել է, փաստաթուղթ կա ստորագրված, բայց մի երկիրն իրեն պահում է ահաբեկչի պես, միայն ահաբեկիչն է պատանդ պահում և փորձում պայմաններ թելադրել: Այս մասին այսօր ԵԽԽՎ-ում ՀՀ ԱԺ ապտվիրակության ասուլիսի ընթացքում ասաց պատվիրակության անդամ, «Լուսավոր Հայաստան» խմբակցության ղեկավար Էդմոն Մարուքյանը:

Մարուքյանը հավելեց, որ ԵԽԽՎ-ում իր ելութում նշել է, որ կա՛մ պետք է Ադրբեջանը ռազմագերիներին վերադարձնի, կա՛մ ԵԽԽՎ-ն պետք է Ադրբեջանը հայտարարի տեռորիստական երկիր, որովհետև Ադրբեջանը եթե ռազմագերիներին չտա, ուրեմն պատանդ պահող երկիր է:

Մարուքյանը նաև ընդգծեց, որ ԵԽԽՎ պատվիրակությունը արել է ամեն հնարավորը, ավելին հնարավոր չի եղել անել:

Անդրադառնալով հարցին, թե արդյոք ԵԽԽՎ-ում ՀՀ ԱԺ պատվիրակության թերացո՞ւմն էր, որ հայ ռազմագերիների հարցը չհաջողվեց ԵԽԽՎ նստաշրջանի ընթացիկ քննարկման թեմա դարձնել, Մարուքյանը նշեց. «Եթե այդ նախաձեռնությունը չարվեր, ես անպայման կքննադատեի պատվիրակության ղեկավարին և կասեի, որ նման առաջարկ եմ արել, և չի արվել այդ նախաձեռնությունը: Մենք գնալուց առաջ քննարկել ենք՝ ինչ անենք: Ես առաջարկել եմ, որ պետք է անպայման պահանջենք դեբատ. բոլորով որոշել ենք, որ դա պետք է անել, բայց միևնույն ժամանակ հստակ իմացել ենք, որ նախաձեռնությունը մերժվելու է: Դա նույն բանն է, որ, օրինակ՝ դատավարության ընթացքում առաջին ատյանի դատարանը ինչ-որ գործով մերժի, Վերաքննիչը մերժի և հասնես Վճռաբեկ դատարան, բայց այդ դատավարական պրոցեսի ընթացքում նախադեպեր են ծնվում: Հիմա ակնհայտ է, որ բյուրոն մերժեց: Բյուրոն մերժել է ոչ թե Ստրասբուրգում, այլ մենք Հայստանում ենք եղել, որ բյուրոն մերժել է»:

Պատգամավորի խոսքով՝ նույն դեբատը եղել է դահլիճում ելույթների տեսքով ու նաև քաղաքական խմբերում:

«Վերջին հաշվով քննարկումը եղավ: Պետք էր, որ ԵԽԽՎ քաղաքական խմբերի ղեկավարները կոչ անեին ռազմագերիները վերադարձի մասին, այդ կոչն արել են»,- ասաց Մարուքյանը:

Մանրամասները՝ տեսանյութում: