17.09.2026 | 17:45
«Փաթթած ունեմ ձեզ էլ, 1-02-ն էլ»․ ըստ քաղաքացու՝ ոստիկաններն իրեն խոշտանգել են, կնոջը՝ կոպտել․ ՏԵՍԱՆՅՈՒԹ
Զինվորականները Մյանմարում վերահսկում են երկրի բոլոր կարևոր օբյեկտները․ երկրի օդանավակայանները փակ են․ կան հարյուրավոր ձերբակալվածներ
Քաղաքականություն
02.02.2021 | 11:31
Մյանմարի զինված ուժերի ստորաբաժանումները զրահամեքենաներով հսկում են իշխանական շենքերն ու այլ կարևոր օբյեկտները, արգելափակել են երկրի խոշորագույն քաղաքի՝ Յանգոնի միջազգային օդանավակայանը։ Դեպի օդանավակայան տանող ճանապարհը խիստ հսկողության տակ է գտնվում։ Այս մասին հայտնում է ՏԱՍՍ-ը՝ հղում կատարելով ճապոնական NHK հեռուստաալիքին։
Մյանմարի բազմաթիվ մասնավոր հեռուստաալիքներ նախկինի նման չեն աշխատում։ Պետական հեռուստաալիքները հեռարձակում են այն ծրագրերը, որոնք ցուցադրում են մասնագիտացված զինվորական հեռուստաալիքը։ Յանգոնում հանգիստ մթնոլորտ է պահպանվում, սակայն նախօրեին բնակիչները հերթ էին կանգնել բանկերի մասնաճյուղների դիմաց՝ փորձելով հնարավորինս մեծ գումար կանխիկացնել։ Բնակիչները նաև մեծ թվով սննդամթերք են գնում։ Քաղաքում որոշ բանկոմատներ չեն աշխատում։
Մյանմարի զինվորական իշխանություններն ընդհանուր առմամբ ձերբակալել են մի քանի հարյուր մարդու, այդ թվում նաև իշխող «Հանուն ժողովրդավարության ազգային լիգա» կուսակցության ղեկավարությանն ու ակտիվիստներին։ Նրանց թվում է երկրի նախագահ Վին Մյին ու երկրի նախկին փաստացի ղեկավար, Խաղաղության Նոբելյան մրցանակակիր, ԱԳՆ ղեկավար ու պետական խորհրդական Աուն Սան Սու Չժին։ Ճապոնական Кyodo գործակալությունը հայտնում է, որ մայրաքաղաք Նեյպիդոյում ձերբակալվել են իշխող կուսակցության բոլոր պատգամավորները։ Համաձայն այդ տվյալների՝ ձերբակալվել են նաև իշխող կուսակցության անդամների ընտանիքի անդամները։ Ձերբակալված են նաև Մյանմարի ազգային փոքրամասնությունները ներկայացնող պատգամավորները, որոշ հասարակական գործիչներ, որոնք քննադատել են զինվորականներին։
Տաթև Ֆռանգյան
