11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Դոնալդ Թրամփի թեկնածությունն առաջադրվել է Խաղաղության Նոբելյան մրցանակի
Քաղաքականություն
01.02.2021 | 15:40
Էստոնիայից Եվրախորհրդարանի պատգամավոր Յակ Մադիսոնը ԱՄՆ նախկին նախագահ Դոնալդ Թրամփի թեկնածությունն է առաջադրել Խաղաղության Նոբելյան մրցանակ շնորհելու համար։
Էստոնիայի Ժողովրդավարական պահպանողական կուսակցությունը ներկայացնող քաղաքական գործիչն իր այս քայլը բացատրել է նրանով, որ Թրամփը վերջի 30 տարիների ընթացքում ԱՄՆ առաջին նախագահն է, որի ղեկավարման օրոք իր երկիրը ոչ մի պատերազմ չի սկսել։
«Բացի այդ, իր ղեկավարությամբ Մերձավոր Արևելքում խաղաղության մի շարք համաձայնագրեր են ստորագրվել, որոնք օգնել են ապահովել տարածաշրջանում կայունություն ու խաղաղություն։ Տեսնենք, թե ով կստանա խաղաղության Նոբելյան մրցանակ»,- Ֆեյսբուք սոցիալական ցանցի իր էջում գրել է Մադիսոնը։
Նա նշել է, որ միակ մարդը չէ, ով Նոբելյան մրցանակի համար առաջադրել է Թրամփի թեկնածությունը։ «Սակայն, ինչպես գիտենք, ինչքան շատ առաջադրողներ լինեն, այնքան մեծ կլինի հաջողության հավանականությունը»,- կարծում է Մադիսոնը։
Տաթև Ֆռանգյան
