11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Հնդկաստանն ու ԱՄՆ-ը Պակիստանի հետ սահմանին լայնածավալ զորավարժություններ կանցկացնեն․ Times of India
Քաղաքականություն
01.02.2021 | 14:28
Հնդիկ և ամերիկացի զինվորականները փետրվար ամսին կանցկացնեն առաջին լայնամասշտաբ զորավարժությունները Ռաջաստան նահանգում՝ Պակիստանի հետ սահմանին։ Այս մասին այսօր, հղում կատարելով սեփական զինվորական աղբյուրներին, հայտնել է Times of India-ն։
«Զորավարժությունները, որոնք կրում են «Յուդխ Աբյաս» անվանումը, կկայանան փետրվարի 8-21-ը Ռաջաստան նահանգի Մահաջան հրաձգարանում։ Դրանք ի ցույց կդնեն երկու երկրների պաշտպանական փոխհամագործակցությունն ու Հնդկական ու Խաղաղ օվկիանոսների տարածաշրջանում Հնդկաստան-ԱՄՆ համագործակցության կարևորությունը»,- ասել է պարբերականի զինվորական աղբյուրը։
Նրա խոսքով՝ զորավարժությունների նպատակը հակաահաբեկչական գործողություններում երկու երկրների ռազմական անձնակազմի մարտական փոխգործակցության փորձն է `օգտագործելով գրոհային ուղղաթիռներ և հետևակի մարտական մեքենաներ: Զորավարժություններին կմասնակցեն 250 հնդիկ և ամերիկացի հետևակայինների գումարտակային մարտավարական խմբեր:
Տաթև Ֆռանգյան
