17.09.2026 | 10:15
Դատախազության միջնորդությամբ Վանաձոր համայնքին է վերադարձվել Հրանտ Մաթևոսյանի անվան այգու ևս մեկ հողատարածք
Ինչպիսին է սկանդալային «Պուտինի պալատը» ներսից. «Ռոսիա 1»-ի ռեպորտաժը
Քաղաքականություն
30.01.2021 | 16:03
«Ռոսիա 1» հեռուստաալիքը ռեպորտաժ է նկարահանել Գելենջիկում գտնվող այն առանձնատան մասին, որը ռուս ընդդիմադիր առաջնորդ Ալեքսեյ Նավալնին իր հայտնի հետաքննության ժամանակ «Պուտինի պալատ» էր կոչել. գրում է DW-ի ռուսական ծառայությունը:
Հեռուսատաալիքի ռեպորտաժում նշվում է, որ առանձնատունն իրականում անավարտ հյուրանոց է: «Պալատում» միայն բետոնե մերկ պատեր են: Եվ նույնիսկ ակնարկ չկա, թե ինչ էր ցուցադրվում այն ֆիլմում (նկատի ունի Նավալնու ֆիլմը- խմբ.)», – ասվում է լրագրող Ալեքսանդր Ռոգատկինի նկարահանած սյուժեի հենց սկզբում: Նա պնդում է, որ նկարահանող խմբին թույլատրել են ներս մտնել սեփականատիրոջ թույլտվությամբ, սակայն նա խնդրել է անունը չհրապարակել:
«Ռոսիա 1» ռեպորտաժում ներկայացված են առանձին աշխատանքներ ու շինարարներից մեկի կարճ մեկնաբանությունը, որն ասում է, որ սա «հյուրանոց է` սենյակներով, ընդհանուր տարածքներով, լողավազանով»:
Հիշեցնենք, որ Նավալնիի «Պալատ Պուտինի համար» ֆիլմում ասվում է, որ նստավայրն ամբողջությամբ պատրաստ էր, սակայն հետո ստիպված են եղել այն վերակառուցել՝ նախագծի սխալի պատճառով: «Որոշեցին վերափոխել ամեն ինչ: Ընդհանուր առմամբ, ամեն ինչ. մերկացրին պատերը, հանեցին մարմարը, հանեցին արժեքավոր ամեն ինչ, բառացիորեն միլիարդներ նետեցին աղբի կույտը և սկսեցին նորից», – նշվում է Նավալու հետաքննությունում:
Նշենք նաև, որ ՌԴ նախագահ Վլադիմիր Պուտինը հայտարարել էր, որ Գելենջիկում իր պալատի մասին լուրերով փորձում են «լվանալ ռուսների ուղեղները», և որ այն իրեն չի պատկանում. «Այն, ինչ հիշատակվում է այդ ֆիլմում, երբեք չի պատկանել ինձ կամ իմ հարազատներին, դա սուտ է»:
