11.10.2026 | 19:47
Կապանում ավտոմեքենան ընկել է Ողջի գետը
ԱՄՆ պետքարտուղարը Շվեդիայի արտգործնախարարի հետ քննարկել է Մինսկի խմբին առնչվող հարցեր
Քաղաքականություն
30.01.2021 | 15:01
ԱՄՆ պետքարտուղարության փոխանցմամբ, այսօր պետքարտուղար Էնթոնի Բլինքենը զրուցել է Շվեդիայի արտաքին գործերի նախարար, ԵԱՀԿ գործող նախագահ Էն Լինդենի հետ. գրում է VOA-ն:
Քննարկվել են Ուկրաինայում Ռուսաստանի գործողություններին ուշադրությամբ հետևելու, Բելառուսում ընթացող հետընտրական ճգնաժամը կարգավորելու հետ կապված հարցեր, ինչպես նաև երկարատև և կայուն քաղաքական կարգավորմանը հասնելու նպատակով Հայաստանի և Ադրբեջանի միջև ԵԱՀԿ Մինսկի խմբի համանախագահների գործընթացն առաջ մղելու ջանքերը:
Պետքարտուղար Բլինքենը հայտնել է ԱՄՆ աջակցությունը Շվեդիայի ԵԱՀԿ նախագահությանը և նրա կենտրոնացումը ԵԱՀԿ տարածաշրջանում ձգձգվող հակամարտություններում առաջընթացի գրանցման, կլիմայի անվտանգության ամրապնդման և ժողովրդավարական սկզբունքների պաշտպանության վրա:
Արտգործնախարար Լինդեի` Մոսկվա կատարվելիք այցի նախօրեին պետքարտուղար Բլինքենը մտահոգություն հայտնեց խաղաղ հավաքները բռնաճնշելու Ռուսաստանի շարունակվող ջանքերի և ընդդիմադիր գործիչ Ալեքսեյ Նավալնիի ձերբակալության վերաբերյալ: Նա շնորհակալություն հայտնեց արտգործնախարար Լինդեին՝ ԵԱՀԿ սկզբունքները պաշտպանելու Շվեդիայի վճռական նվիրվածության համար:
